İbrahim Hakkı Bey

4.1.24.Hamburg Şehbenderi İbrahim Hakkı Bey632 İbrahim Hakkı Bey Selanik hanedanından İsmail Hakkı Bey’in mahdumudur. Bin iki yüz seksen bir sene-i hicriyesinde (sene-i maliye 1280) Selanik’te tevellüt ettiği nüfus-ı tezkire-i Osmanîyyesi suret-i musaddakasında muharrirdir. Mahal-i sıbyan ve rüşdiye mekteblerinde ikmal-i tahsil ile şahadetname aldıktan sonra Londra ve Brüksel mekteplerinde ulûm-i hukuk tahsiline çalışmış ise de ikmaline muvaffık olamadığı ve Türkçe ve Fransızca ve İngilizce tekellüm ve kitabet ve tercüme eylediği ve İtalyan lisanına aşina olduğu tercüme-i halinde mesturdur. Bir müddet umur-ı şehbenderi ve tahrirat-ı hariciye kalemine bila maaş müdavemetden sonra bin üç yüz on üç senesi zilhiccesinin sekizinde 9 Mayıs 312 iki bin guruş maaş ve beş yüz guruş tahsisat ile Romanya’da vaki Turnu Severin şehbenderliğine tayin buyrulmuştur. Tahrirat-ı hariciye kitabetinden yazılan mülahazada mir-i mûmâileyhin ifadesi muvafık kayıt ve makadir-i sıhat olduğu tasdik edilmiştir. Tarih ve mahall-i veladetine mü’şir nüfus-ı tezkire-i Osmanîyyesi suret-i musaddakası tatbik edilerek hıfz olunmuştur. Hamburg şehbenderi İbrahim Hakkı Bey’in tercüme-i halinin zeylidir Mir-i mûmâileyh Dersaadet’e gitmek için taleb-i me’zuniyyet etmiş ise de müddet-i nizamiyeye ikmal etmediğinden muvaffak olamayacağı tahrirat-ı aliye-i nezaretpenahî ile işar ve buna dair ikinci defa müraca’atı üzerine dahi aynı cevab ita buyrulduğu halde ahtar vakı hilafında mahall-i memuriyetini terk ile bu kere Dersaadete geldiği görülmüş ve mahlif-i nizam olan işbu hareketi hakkında mücazat inzibatiye icrasını müstelzim bulunmuş olduğundan nizamname-i şehbenderinin on dokuzuncu bendinin fıkra-i evvelisi mûcibince fi’l-i vakı hüsn-ü inzibata karşı hareket gibi telâkki edilerek kendisinin tahriren tevcihi hakkında umur-ı şehbenderi müdüriyetinin 19 Ağustos 324 tarihli takriri üzerine 20 Ağustos 324 tarihinde makam-ı nezaretten kendisine tevbîhnâme yazılmıştır. Üç yüz yirmi altı senesi şa’banının on yedisinde (1 Eylül 324) icra kılınan tensikatta Hamburg şehbenderliği birinci sınıf şehbenderlik ittihaz ve başşehbender ünvanını muhafaza etmek üzere maaşı üç bin guruşa ve tahsisatı bin guruşa iblağ edilmiştir. 632 BOA, HR.SAİD, No. 23, Gömlek No. 9, 8-2.

160 Üç yüz yirmi dört senesi dördüncü şühûr-ı selase evrak hesabiyesinin müddet-i mu’ayyenesi hayli mürûr ettiği halde mûmâileyh tarafından gönderilmemesine ve bu muamelesi ilk defa vuku bulmasına mebni Nisan 235 maaşı nıfsının kati hakkında umur-ı şehbenderi müdüriyetinin muhasebe-i nezarete muhavvel-i mezkûresi mûcibince bank Osmanî idaresine icra-yı tebligat olunmuştur. Mûmâileyh üç yüz yirmi yedi senesi şa’banının yirmi ikisinde 26 Ağustos 325 icra kılınan ikinci tensikatta caizü’l-istihdam memuriyet meyanında kadro haricinde kalarak sekiz yüz doksan guruşa mâzûliyet maaşı tahsis olunmuştur. Mûmâileyhin mâzûliyet maaşı üç yüz yirmi sekiz senesi cemaziyelevvelisinin on üçünde (9 Mayıs 326) tensik kanununun zeyli mûcibince bin dört yüz on guruş iblağ edilmiştir.