Mustafa Hüdai Bey

4.1.23.Gözleve Şehbenderi Hüdai Bey631 Mustafa Hüdai Bey tahsilat-ı bahriyye komisyonu reisi mirliva izzetli Ahmed Bey’in mahdumudur. Bin iki yüz doksan iki sen-i hicriyesinde (sene-i maliye 1291) Dersaadet’te tevellüt ettiği nüfus-ı tezkire-i Osmanîyyesi suret-i musaddakasında muharrirdir. Muallim-i mahsusadan Türkçe ve Beyoğlu’nda “Sent Bonue” nam mektebinde edebiyat-ı Fıransevi ve kozmografya ve fen-i makine ve müsellesât ve hukuk-ı düvelden bir kısım ve usul-ı muhasebe ve felsefe-i Arabiyye tahsil ile diploma ahzetmiştir. Türkçe ve Fransızca tekellüm ve kitabet eder. Bin üç yüz on üç senesi cemazielevvelisinin üçünde (10 teşrinievvel 1311) yirmi iki yaşında olduğu halde tahrirat-ı hariciye kalemine dâhil olup sene-i merkûme zilkadesinin sekizinde (9 Nisan 1312) bin guruş maaş ve iki yüz elli uruş tahsisat ile Korfu başşehbenderhanesi kançılarlığına tayin olunmuştur. Tahrirat-ı hariciye kitabetinden yazılan mülahazada efendi-i mûmâileyhin ifadesi mukarin-i sıhhat olduğu tasdik kılınmıştır. Mezkûr kançılarlığa tarih-i tayin ve mikdar-ı maaşı hariciye nezareti sicil-i ahval şubesi müdüriyetinden tercüme-i hal varakası zirine muharrir derkenara tatbik edilip nüfus-ı tezkire-i Osmanîyyesiyle diploma suretleri tercüme-i hal varakasıyla beraber hıfzedilmiştir. Korfu şehbender vekili ve kançıları Hüdai Bey zeyl Mûmâileyhin maaşı bin üç yüz on dört senesi şevvalinin dokuzunda “1 Mart 313” öşrü bittecil dokuz yüz guruşa tenzil etmiştir. Mûmâileyh mahall-i memuriyetine avdetten istinkaf eylemesine mebni ileride bir memuriyete tayin olunmak üzere hariciye nezareti celilesinin vakı olan işar ve memuriyet-i mülkiye komisyonundan verilen karar üzerine bi’l-istizan şeref-sâdır olan irade-i seniyye-i hazret-i hilâfetpenâhi mûcibince bin üç yüz on altı senesi muharreminin beşinde “14 Mayıs 314” azledilmiştir.