Mehmed Nihad Bey

4.1.66.Trieste Şehbenderliği Kançıları Mehmed Nihad Bey677 Mehmed Nihad Bey Şişkozâdeler demekle maruf Şahin Bey’in mahdumudur. Bin iki yüz seksen altı sene-i hicriyesinde sene-i maliye 1285 Yanya vilayetine tabi Koniçe kasabasında tevellüt eylediği tezkire-i Osmanîyyesi suret-i musaddakasında muharrirdir. Kaza-i mezkûre İslam ve Rum mekteplerinde malumat ibtidaîye ve mekteb-i sultanîde müretteb ulum ve fünun bittahsil vasat dereceden 22 Teşrinievvel 1309 tarihli edebiyat ve ulum şahadetnamesini ahz eylemiştir. Türkçe ve Fransızca ve Rumca tekellüm ve kitabet ve Arnavutça tekellüm eder. Bin üç yüz on bir senesi şehr-i şa’ban’ül-muazzamının on dördünde 8 Şubat 1309 matbu’at-ı ecnebiyye kalemine mülazemetle çırağ olup üç yüz on iki senesi şehr-i saferinin dördünde 25 Temmuz 1310 yüz guruş maaş tahsis ve şehr-i receb-i şerifinin on yedisinde uhdesine rütbe-i salise tevcih buyrularak sene-i mezkûre şevvalinin yirmi sekizinde 11 Nisan 1311 matbu’at-ı ecnebiyye kalemine olan tesbiti baki olmak üzere umur-ı şehbenderi kalemine mülazemetle üç yüz on üç senesi muharrem’ül-haramının on dördünde 25 Haziran 1311 matbu’at-ı ecnebiyye kalemine maaşı yüz elli guruşa baliğ olarak rebiülahirenin yirmisinde 28 Eylül 1311 bin guruş maaş ile Trieste şehbenderhanesi kançılarlığına tayin buyrulmuştur. Matbu’at-ı ecnebiyye umur-ı şehbenderi kalemlerinde müddet-i istihdamıyla maaşın tarih-i tahsisi ve zımmın hariciye nezareti sicil-i ahval şubesi müdüriyetinin 13 Nisan 1312 tarihli mezkûresiyle muhasebesinin 7 Mayıs 1312 tarihli kayıt pusulasına ve rütbe-i saliseye teyit ve memuriyet-i haliyesine tarih-i tabiyyetiyle miktar-ı maaş ifadesinin muvaffık kuyud ve nıfs’ül-emr ediğine natık-ı mezkûr kalemler müdüriyetleriyle şube-i mezkûre müdüriyetinden tercüme-i hal varakasına yazılan şerhlere ve tarih ve mahal-i veladetine müş’ir nüfus-ı tezkire-i Osmanîyyesiyle mekteb-i sultanî şahadetnamesi ol bâbdaki suret-i musaddakalarına tatbik edilmiştir.