Eyüb Kamil Efendi

Müteveffâ Süleyman Efendi ‟nin oğludur. Bin iki yüz yetmiş yedi sene -i

hicriyesinde (sene mâliye 1276) Bosna‟da tevellüd ettiği tezkere -i osmânî yesinde

muharrerdir. Mahallî sıbyân ve rüşdî yye mekteblerinde okuyup Türkçe kitâbet

ederek İslavca okuduğu ve Rumca tekellüm eylediği tercüme-i hâlinde mestûrdur.

Mülga İntihâb-ı Me‟mûrin Komisyonu‟nun 5 Eylül sene [1]303 târîhli ve

seksen beş adedli Nâhiye Müdürlüğü İntihâbnâmesini hâizdir. Bin üç yüz üç senesi

mezkûre nüvvâbbaşından Leftokarya Karyesi ahâlî sinden Banikaçola ve

Banikaralonya ve Yorgiforaka nâm kâhyaların mandıralarında zahire çıkarılan iki

yüz elli re‟s keçinin iki kat resmî olan iki bin yedi yüz elli guruşdan bin beş yüz

guruşunu zimmetine geçirdiğ i iddiâ olunmasından dolayı Sela nik Vilâyeti Meclis -i

İdâresi‟nce cereyân eden muhâkeme neticesinde m ûmâileyhin iş bu harekâtı kanûn-ı

cedidin doksanıncı maddesine muvâfık olduğu cihetle üç mâh müddetle habsine ve

altı mâh müddetle me‟ mûriyetinden tardına ve müddeayât olan on beş liranın

kendisinden tahsîline kâbil-i istinâf olmak üzere ise de ahîren karar-ı mezkûr Şurâ-yı

Devlet İstinâf Mahkemesi‟nce bi‟t-tedkîk mûmâileyhin ağnâm-ı meknûn ashâbından

alınması iktizâ eden iki kat resm-i müdüriyet bin beş yüz guruşunu zimmetine

geçirdiği iddiâ olunmakta ise de resm-i mezkûrun bâliğ olunduğu iki bin yedi yüz elli

guruşu on bir gün zarfında tesvi ye edecekleri ağnâm-ı meknûn ashâbının vermiş

oldukları evrâk meyânında mevcûdesinden ve meblâğ-ı mezbûre muharreben bin iki

yüz elli guruş Kazâ Mâl S andığı‟na teslîmleri vuku„ bulmuş olduğu evrâk -ı

mündericâtından anlaşılmış ve tesviye-i deynleri zımmında mûmâileyhin ashâb -ı

ağnâma teblîğ ve mah kemeye irâ‟e eylediği ihbârnâmesinin bir neticesi ağnâm-ı

ashâbına teblîğ olunduğu karye muhtarı tarafından tasdîk edilmiş olup mezkûr bin

beş yüz guruşun mûmâileyhin teslîm e tmiş olduklarına dâir esbâb-ı subûtiye

bulunamadığına binâ en mûmâileyhin hukuk-ı umûmî ye ve şahsiyece berâetine ve

hazîne-i celîlesinin mezkûr senet mûcibince ashâb -ı ağnâma hemen mürâcaatla

isti„fâ-yı hukuk etmesine karar verildiği ş urâ-yı mezkûr İstinâf Mahkemesi‟nin 21

Haziran sene [1]315 târîhli i„lâmı sûret -i musaddakasından anlaşılmış ve taht -ı

muhâkemeye alınmakla yerine diğerinin ta„yîni cânib -i vilâyetten iş„âr olunması

üzerine bin üç yüz on yedi senesi Rebî „ü‟l-evvelinin yirmi birinde (17 Temmuz sene

[1]315) azl edilmiştir.

İntihâbnâmesinden tezkere-i osmânî yesi ve Şurâ -yı Devlet İstinâf Mahkemesi‟nin

mezkûr 21 Haziran sene [1]315 târîhli berâet-i a„lâmı sûret-i musaddakası görülüp