Balyan Serkiz Efendi

4.2.5.Bar ve Ülgün Şehbenderi Serkiz Efendi697 Balyan Serkiz Efendi evkaf-ı hümayun serdallığında bulunmuş olan Bali Efendi’nin oğludur. Bin iki yüz yetmiş yedi senesi saferinde Dersaadet’te tevellüt etmiştir. Mekteb-i sultanîde ikmal-i tahsil ile şahadetname ahz eylemiştir. Türkçe ve Ermenice ve Fransızca tekellüm eder ve okuryazar Farsiye aşinadır. Bin iki yüz doksan dört senesi recebinde on yedi yaşında olduğu halde mülazemetle bâb-ı âli tahrirat-ı hariciye odasına dâhil olup doksan beş senesi rebiülahirinin dokuzunda yüz altmış guruş maaşla kalem-i mezbûr ikinci mukayyidliğine memur olarak maaşı doksan altı senesi rebiülevvelinde üç yüz ve sene-i mezbûre recebinin yirmi üçünde baş mukayyidliği terakki ile dört yüz ve birkaç mah mürurunda beş yüz guruşa iblağ olmuş ve doksan sekiz senesi saferinde rütbe-i salise sınıf-ı sanisi ve bin dokuz yüz guruş maaş ile Tahran sefaret-i seniyyesi ikinci kitabetine tayin ve doksan dokuz senesi recebinde hasılattan almak üzere maaşına bin guruş zam ile sefaret-i mezbûre kançılarlığı ilaveten memuriyet edilmiş ve bin üç yüz bir senesi rebiülevvelindee dördüncü rütbeden mecidi nişânı ihsan ve doksan dokuz senesi zilhiccesinde yaver-i harb cenab-ı şehinşahi saadetli mirliva Süleyman Paşa’nın şah-ı hazretleri nezdine vuku bulan memuriyet-i ahiresi esnasında İran devletinden üçüncü rütbeden şir-ü hurşid nişânı ita olunmuştur. Bulunduğu memuriyetlerden nakil suretleriyle infikâk ederek umur-ı memuresinden dolayı taht-ı muhakemeye alınmamış ve müttehim olmamıştır. Tahran sefareti seniyyesi maslahatgüzarı izzetli Ahmed Rıfkı Bey tarafından yazılan mülahazada mûmâileyhin hüsn-ü ahlakı ve dirayet ve ehliyeti ve umur-ı memuresinde mesa’i ve ikdamatı ve hariciye nezareti celilesinden ilave olunan 697 BOA, HR.SAİD, No. 17, Gömlek No. 19, 7.