Ali İlhami Bey

4.1.35.Korfu Başşehbenderi Ali İlhami Bey643 Ali İlhami Bey Tepedelenli Ali Paşa sülalesinden saadetli Âdem Bey Efendi’nin mahdumudur. Bin iki yüz yetmiş sekiz tarihinde Dersaadet’te tevellüt etmiştir. Mekteb-i sultanîde müretteb olan dersleri ve muallim-i mahsusadan dahi ilm-i hukuki tahsil eylemiş ise de şahadetname almamıştır. Türkçe ve Fransızca kitabet ve Rumca tekellüm eder. Bin üç yüz iki senesi cemazielevvelinin yirmi sekizinde yirmi dört yaşında olduğu halde iki bin guruş maaş ve rütbe-i saniye sınıf-ı sanisi ile ticaret nezareti müsteşarlığı mu’avinliğine tayin buyrulmuştur. Henüz infisâl etmemiş ve hakkında şikâyet vaki olmadığına muhakeme-i tahtına dahi alınmamıştır. Ticaret nazırı devletli Subhi Paşa hazretleri tarafından yazılan mülahazada mumaileyhin memuriyetini hüsn-ü ifa etmekte bulunduğu tasdik olunmuştur. Umur-ı hukukiyye muhtelit kalemi müdüriyeti mu’avin-i evvel saadetlü Ali İlhami Efendi hazretlerinin tercüme-i haline zeyldir Mûmâileyh Ali İlhami Bey bin üç yüz beş senesi rebiülahirinin yirmi altısında (29 Kanunievvel 303) bin guruş maaşla hariciye nezareti celilesi istişare odası mu’avinliğine tayin kılınmıştır. Mûmâileyh Ali İlhami Bey bin üç yüz altı senesi saferinin sekizinde (2 Teşrinievvel 304) maaş-ı haliyesi olan bin guruş aylıkla hariciye nezareti celilesi umur-ı hukukiye-i muhtelit idaresi mümeyyizliğine tahvil-i memuriyet etmiştir.

172 Mûmâileyh Ali İlhami Bey bin üç yüz on üç senesi şehr-i şevval-i şerifinin yirmi birinde (24 Mart 312) üç bin guruş maaş ve beş yüz guruş tahsisat ile Liverpool başşehbenderliğine tayin olunmuştur. Mûmâileyh Ali İlhami Bey sene-i merkûme zilkadesinin on ikisinde (13 Nisan 312) üç bin guruş maaş ve yedi yüz elli guruş tahsisat ile Korfu başşehbenderliğine nakil-i memuriyet etmiştir. Mir-i mûmâileyh üç yüz on dört senesi şehr-i şa’ban-ı şerifinin yedisinde üçüncü rütbeden mecidi nişân-ı zişânı ihsan buyrulmuştur. Mir-i mûmâileyhin maaşı sene-i merkûme şehr-i şevval-i şerifinin dokuzunda (1 Mart 313) öşrünün tecili ile iki bin yedi yüz guruşa ve tahsisatı altı yüz yetmiş beş guruşa tenzil etmiş ve üç yüz beş senesi muharreminin yirmi beşinde uhdesine rütbe-i sani sınıf-ı mütemeyyizi tevcih ve sene-i mezbûre rebiülahirinin yirmi birinde Yunan muharebesi madalyası ihsan buyrulmuştur. Mir-i mûmâileyhin sene-i mezkûre zilhiccesinin altısında üçüncü rütbeden nişân-ı ali Osmanî ihsan buyrulmuş ve mah-ı mezbûrun on üçünde (23 Nisan 314) iki bin yedi yüz guruş maaş ve beş yüz guruş tahsisat ile Napoli başşehbenderliğine tayin olunmuş ve yine meh-ı mezbûrun yirmi üçünde uhdesine terfi’an rütbe-i evveli sınıf-ı sanisi tevcih buyrulmuştur. Mir-i mûmâileyhin arıza-i vücudiyesine mebni iade-i afiyyet eylediğine merkezce istihdam olunmak üzere üç yüz on yedi senesi saferinin on dokuzunda (16 Haziran 315) mezkûr başşehbenderliğinden azledilmiştir. Mir-i mûmâileyhin bin üç yüz yirmi senesi zilkadesinin on üçünde (29 Kanunisani 318) iki bin sekiz yüz guruş maaşla hariciye nezareti celilesi umur-ı hukukiye-i muhtelit müdüriyeti mu’âvinliğine tayin olunmuştur. Mir-i mûmâileyhin üç yüz yirmi bir senesi cemaziyelevvelisinin ikisinde terfi’an rütbe-i evveli sınıf-ı evveli tevcih buyrulmuştur. Mir-i mûmâileyhinin maaşı üç yüz yirmi bir senei cemaziyelahiresinin altısında (16(?) Ağustos 319) üç bin dört yüz guruşa iblağ edilmiştir. Mir-i mûmâileyh sene-i merkûme şehr-i şa’ban-ı şerifinin yirmisinde tebdilen ikinci rütbeden mecidi nişân-ı zişânı ihsan buyrulmuştur. Mir-i mûmâileyh üç yüz yirmi iki senesi receb-i şerifinin on altısında tebdilen ikinci rütbeden nişân-ı âli Osmanî ihsan buyrulmuştur. Mir-i mûmâileyh sene-i merkûme zilkadesi gurresinde (25 Kanunievvel 320) kalem-i mezkûr müdüriyeti mu’âvin-i evvelliğine tayin olunmuştur. Mir-i mûmâileyhin maaşı bin üç yüz yirmi beş senesi rebiülevvelinin on dokuzunda (19 Nisan 323) dört bin dört yüz guruşa iblağ edilmiştir.