Dimitraki Teodorsyadi

4.2.48.Tulça Şehbender Vekili Dimitraki Teodorsyadi746 Dimitraki Teodorsyadi Efendi asker-i şahane hizmet-i tababetinde bulunmuş olan Rum milletinden Teodors Efendi’nin oğludur. Bin iki yüz elli bir sene-i hicriyesinde Dersaadet’te tevellüt etmiştir. 745 BOA, HR.SAİD, No. 1, Gömlek No. 8, 1. 746 BOA, HR.SAİD, No. 12, Gömlek No. 12, 7/1-7/2-3.

260 Fener mektebinde tahsil ile şahadetname almış ve bir müddet vijantes(?) gazetesinin umur-ı telif ve tercümesinde bulunmuştur. Biraz Türkçe okuryazar Fransız ve İtalyan ve Rum lisanlarına aşinadır. Bin iki yüz yetmiş üç senesi receb-i şerifinde yirmi iki yaşında müteveffa Süleyman Paşa’nın Hüdavendigar valiliği esnasında Kapualtı hasılatında yedi yüz elli guruş maaşla tercümanlığa memur ve iki sene sonra müşârûn-ileyhin tahvil-i memuriyeti hasebiyle bi’l-istifa münfasıl olup müteveffa Tepedelenli İsmail Paşa’nın Yenişehir valiliğinde yine Kapualtı hasılatından ol-miktar maaş ile tercümanlığına memuriyetle bu sırada muhakeme-i ticaret kitabeti vazifesini de ifa ederek hasılatından şehri iki yüz elli guruş ve dört sene sonra istifa’en infisâl etmiştir. Bin iki yüz seksen üç senesinde Sakız mutasarrıflığı tercümanlığına tayin olduğu halde oraca demokrande nam ihtiyar meclisinin teşekkülü ve akrabasından aza bulunduğunun şüyu-i sebebiyle istifa ile infisâl edip sene-i merkûmede bin guruş şehriye ile Rusçuk pasaport memuriyetine tayin edilerek maaş-ı mezkûr sadır esbak müteveffa mütercim Rüşdü Paşa’nın emriyle bin iki yüz guruşa ve ahiren meclis idare-i vilayet kararıyla bin beş yüz ve bin yedi yüz elli guruşa iblağ kılınıp bin iki yüz doksan şa’ban-ı şerifinin on birinde hasılatı kendisine ait olmak üzere Turnu Magurel tüccar vekaletine tayin ve bir sene sonra azledilip Yergöğü tüccar vekaletine memur olmuş ve ahiren Rusçuk’a celb ile üç bin guruş maaşla hükûmetçe bazı hizmet-i mahsusada istihdam ve maaş-ı mezbûr hafiye-i muhassasatından ita olunmuştur bu arada Sırbistan’ın harekat-ı ihtila’l-karanesi üzerine Simlin’de mukim saltanat-ı seniyye şehbenderinin tahkik-i muamelatı memuriyeti ile bin iki yüz doksan üç senesinde iki bin guruş maaş ve sekiz bin guruş harcırah ile oraya azimet ve iki mah sonra avdet etmiş ve altı ay müddette hazine-i celileden dört yüz guruş mâzûliyet maaşı almıştır bin iki yüz doksan dört senesinde iki bin guruş maaşla Yergöğü şehbenderliğine memur ve bir sene mürurunda münfasıl olup bin üç yüz iki senesi eva’ilinde iki bin guruş maaşla Rusçuk tüccar vekaletine tayin olmuş ve bin üç yüz beş senesi cemaziyelahiresinin on birinde dördüncü rütbeden nişân-ı âli Osmanî ihsan buyrulmuştur. Hariciye nezareti celilesi sicill-i ahvâl müdüriyetinden muharrir mülahazada mûmâileyhin Rusçuk tüccar vekaletinde müstahdem idiği temennik ve nezaret-i müşârûn-ileyh cenabından tasdik olunmuş ve müdüriyet-i mezkûreden zeylen yazılan şerhde dahi mûmâileyhin Kerç şehbenderliğinden sui hareketinden dolayı ba-irade-i seniyye bin iki yüz doksan dokuz senesi zilkadesinin yirmi altısında azli ile bin üç yüz iki senesi şehr-i ramazan-ı şerifinin on sekizinde memuriyet-i haliyesine tayin olduğu ilave edilmiştir. Mûmâileyhin mezkûr Kerç Şehbenderliğinden kendisine mûcib-i gadir olduğundan bahisle atabe-i ulyaya takdim etiği arzuhalin hariciye nezareti celilesine havale buyrulmasından dolayı Kerç’deki ahvaliyle bir gün tüccar vekaletindeki etvarının bittaraf bildirilmesi hakkında Petersburg ve Bükreş sefaret-i seniyyelerinden alınan muharrirat ve evrak-ı müteferri nezaret-i müşârûn-ileyh dairesince komisyon-ı mahsusta bittedkik Petersburg sefareti seniyyesi cevabiyesinde Kerç’ten infisâli sefaret-i seniyyesinin imhasıyla mûcib nezaret-i celile-i hariciyeden

261 vuku bulduğu gösterilerek cevabiye-i mezkurun mündericat-ı umumiyesi mûmâileyh aleyhinde şikayeti müttezıh olduğu ve Bükreş sefaret-i seniyyesinin tahriratında mûmâileyh Dimitraki Efendi mukaddema bir gün tüccar vekaletinde bulunduğu sıradaki muamelatıyla malumatı Romanya’da şehbenderlik vezaifini ifaya kafi olamayacağı ve ma-mafi zaruret-i halden dolayı bir memuriyetle tayin edebileceği bildirilmiş ve Kerç’deki hareketi Rusya hükûmet-i mahalliyesinin bazı mürtebe şikayetini adet eylemiş ve bir İngiliz kimesneden salahati haricinde tebaa-i saltanat-ı seniyyeye mahsus olan rüsum istifasına kalkışmış ve ahiren mada-i nezareti yanlış beyanıyla rüsum-ı mezkûreyi red etmiş ve sefaret-i müşârûn-ileyhin muharrirat-ı cevabiyesinin azline icab ettirmiş ise de iki sene müddet infisâl ceza-i kafi ad olunarak haline hüsban bir memuriyet ile istihdamı komisyonun 18 Cemaziyelevveli 302 tarihli mazbatasıyla bir gün Bodgorice747 ve Kerç şehbenderliğine ve Rusçuk tüccar vekaletine memuriyetiyle fi 8 Rebiülevvel 1296 ve fi 28 Safer 97 ve fi 9 Rebiülevvel 98 ve fi 29 Zilkade 1302 tarihli dört kıta berat-ı ali sureti ve Rusçuk pasaport memuriyette iken maaşının zammına sadır-esbak müteveffa mütercim Reşid Paşa’nın Tuna valiliğine fi 10 Şevval 289 tarihli tahriratı ve Fener mektebinden aldığı Rumca şahadetname aynen komisyon umumice görülüp Hüdavendigar ve Yenişehir eyaletleri tercümanlıkları ile Yenişehir mahkeme-i ticaret-i kitabetinde ve Sakız mutasarrıflığı tercümanlığında ve Rusçuk pasaport memuriyeti ve Turnu Maguler ve Yergöğü tüccar vekaletiyle Rusçuk’ta bazı hizmet-i hafiyede ve Semlin Şehbenderinin tedkik muamelatı hizmetinde bulunduğuna dair bir kayd-ı resmiye ve dest-res olunamadığından nezaret-i müşârûn-ileyh sicill-i ahvâl müdüriyetinden istilam olunarak varid olan mezkûre ve pusulada mezkûr memuriyette ait mûmâileyh Dimitraki Efendi yedinde evrak-ı metine olmadığı gibi bu bâbda kayd-ı resmiye bulundurmak dahi mümkün olamayacağı dermeyan olunmuştur. Yaş şehbenderliğinden münfasıl Dimitraki Teodorsyadi Efendi’nin tercüme-i haline zeyldir Efendi-i mûmâileyh üç yüz on yedi senesi şehr-i receb-i şerifinin on sekizinde (10 Teşrinisani 315) dokuz yüz guruş maaş ve dokuz yüz guruş tahsisat ile Öziçe şehbender vekaletine tayin olunmuştur. Efendi-i mûmâileyh Sırp hükûmeti tarafından ita olunan dördüncü rütbe takova nişânının kabul ve lede’l-icab taliki üç yüz yirmi senesi muharreminin on sekizinde makrûn müsaade-i seniyye-i cenab-ı hilâfetpenâhi buyrulmuştur.