Mehmed Necib Bey

4.1.8.Batum Başşehbender Vekili Mehmed Necib Bey609 Mehmed Necib Bey Argiri Kazası hanedanından İbrahim Halil Bey’in mahdumudur. Bin iki yüz seksen iki sene-i hicriyesinde (sene-i mali 1282) Argir kazasında tevellüd eylediği nüfus-u tezkire-i Osmâniyyesinde muharrirdir. Kaza-i mezkûrede mekteb-i ibtidaiyesinde mukaddimat ilm-i diniyeyi ve Dersaadet’te Çiçek Pazarı mekteb-i rüşdiyesinde ve mekteb-i sultanîde mürettib dersleri tahsil ile 10 Zilkaade 1303 tarihinde karib’ül-ala dereceden Türkçe edebiyat şahadetnamesi almıştır. Türkçe ve Fransızca tekellüm ve kitabet eder ve Arabi ve Rusça ve Rumca tekellüm eder Farsiye aşinadır. Bin üç yüz senesinde hariciye nezaret-i cellilesi mektubî evrak ve bir müddette tahrirat-ı ecnebiye evrak kalemlerine mülazemetle üç yüz sekiz senesi şahr-i receb-i şerifinin yirmi yedisinde (24 Şubat? 307) bin guruş maaş ve bin guruş tahsisat ile Tiflis başşehbenderhanesi şehbender vekaletiyle kançılarlığına tayin ve üç yüz dokuz senesi rebiülevvelinin üçünde (24 Teşrinievvel 308) bin guruş maaş ve yedi yüz guruş tahsisat ve becayiş suretiyle Batum başşehbenderhanesi şehbender vekaletiyle kançılarlığına nakil olunmuş ve üç yüz on bir senesi muharremül-haramının on ikisinde (15 Temmuz 309) bazı ahval-i gayr-i marziyesinden bahisle başşehbenderliğin şikâyeti üzerine azledilmiştir. Batum başşahbenderi sabık Mehmed Bahaddin Bey Efendi’den yazılan mutaalada hüsn-ü ahlakı ve dirayet ve ehemmiyeti mücrib ve vazifede mesa-i cemilesi meşhûd bulunduğu tasdik kılınmıştır. Tiflis şehbender vekaletiyle kançılarlığında müddet-i istihdam ve mikdar-ı maaş ve tahsisatıyla Batum şehbender vekaletine ve kançılarlığına tarih-i nakil ve mikdar-ı maaş ve tahsiatı tercüm-i hal varakasında muharrir hariciye nezareti celilesi sicil-i ahvâl şubesinin 7 Safer 1310 tarihli derkenarından tarih ve sebeb-i azli şube-i mezkûrenin 29 Cemaziyelahire 1303 609 BOA, HR.SAİD, No. 2, Gömlek No. 20, 5/1-5/2.

146 tarihli ve iki yüz otuz beş numaralı tezkire-i cevabiyyesinden anlaşılarak mekteb-i sultanî edebiyat şahadetnamesiyle nüfus-u tezkire-i aliyyesi görülüp iade edilmiştir. Bazı ahval-i gayr-i marziyyesinden şikâyeti havi başşehbender saadetlü Salih Beyefendi hazretleri tarafından evvel ve ahir gönderilen muharrerat-ı tercümeleriyle mûmâileyh Necib Bey’in irsal eylediği mektub ve mezkûreler şura-yı devlet-i dâhiliye dairesinde lede’l-kıra’a hülasa-i mefadi müşârûnileyh Salih Bey ile Necib Bey beyninde hasıl olan hadise yekdiğerini hariciye nezaretine şikâyeti intaç ederek Süha Beyefendi bazı ahval ve muamelat-ı isnadıyla Necib Bey’in Batum’dan kaldırılmasına veyahut kendisinin mahall-i ahare nakline işar ve Necib Bey dahi bir takım muamelat-ı isnadıyla başka mahalle itası istid’a eylemiş olduklarını mutazammın olup berayet-i mesai-i umumi mülkiyenin mutalanamesinde Necib Bey’in mâzûlen Dersaadet’e avdeti te’akub makam-ı sami-i sadaretpenahî ve nezaret-i müşârûnileyhe takdim etdiği mezkûrelerde şehbender-i müşârûn-ileyhin bazı if’al-i gayr-i marziyyenin tafsil ile istid’a-yı atıfet edip her ne kadar Süha Beyefendi hakkında evvel ve ahiren olunan ahval ve muamelat mûcib-i te’akub ise de nezaret-i müşârûnileyhce Necib Bey’in azliyle işe nihayet verilmesine bakılınca mezkûrelerde gösterildiği üzere muamelat-ı mezkûrenin bir kısmı hakkında Petersburg sefaret-i seniyyesince tahkikat neticesinin Süha Bey için mûcib mesuliyyet olmadığına kanaat hasıl olmuş demek olub şu halde tayin-i maslahatın hal-i hazır itibariyle şura-yı devletçe tedkik olunacağı bir cihet görülemediği ve Necib Bey’in diğer bir hizmete tayini ise kontrol komisyonunun derkenarı mûcibince meca’ine ait olarak ol bâbdaki beyan-ı mütalaaya sahib olamayacağı gösterilmiş ve mütalaa-i müsevvide muvaffık maslahat bulunmuş olmağla olvechle nezaret-i müşarûnileyhe tebliğ keyfiyyet olunmasından tezekkür olduğu daire-i müşârûn-ileyhenin hariciye sicill-i ahvâl şubesi mezkûresiyle irsal kılınan 11 Cemaziyelevvel 1311 tarihi ve 2117 numaralı mazbatası suretinden anlaşılmıştır.