Mehmed Cemil Süleyman Bey

4.1.10.Batum Şehbender Vekili ve Kançıları Mehmed Cemil Süleyman Bey611 Mehmed Cemil Süleyman Bey mekteb-i harbiye-i şahane şûra-yı muallimi mirliva saadetli İsmail Hakkı Paşa’nın mahdumudur. Bin iki yüz doksan dokuz sene-i hicriyesinde sene-i mali 1298 Dersaadet’te tevellüt ettiği nüfus-u tezkire-i Osmâniyyesi suret-i musaddakasında muharrirdir. İsviçre’de kain (frederi siyanom) nam mektebinde üç sene Alman lisanı üzere fünun-ı ibtidaîye tahsil edip tasdikname ve üç sene kadar mekteb-i sultanîye devam ederek ala derecede ehliyetname ahzetmiştir. Türkçe ve Almanca ve Fransızca tekellüm ve kitabet eder. Bin üç yüz on sekiz senesi zilhiccesinde (Nisan 317) mülazemetle tahrirat-ı hariciye kalemine dâhil olmuştur. Tahrirat-ı hariciye kitabetinden yazılan mülahazada tercüme-i halinin kalem-i mezkûre ait mündericat-ı tasdik olunmuştur. Nüfus-u tezkire-i Osmâniyyesiyle mezkûr tasdikname ve ehliyetnamenin suret-i musaddakalar tercüme-i haliyle mahfûzdur. Tahrirat-ı hariciye kalemi halifesinden izzetlü Mehmed Cemil Bey’in tercüme-i haline zeyldir Mir-i mûmâileyh üç yüz on dokuz senesi zilkadesinin on birinde (6 Şubat 317) yüz altmış dokuz guruş on para maaş tahsis olunmuştur. Mir-i mûmâileyh sene-i merkûme zilhiccesinin yirmi birinde dördüncü rütbeden mecidi nişân-ı zişânı ihsan buyrulmuştur. Mir-i mûmâileyh uhdesine üç yüz yirmi senesi cemaziyelevvelisinin yirmi ikisinde rütbe-i salise tevcih buyrulmuştur. Mir-i mûmâileyh uhdesine üç yüz yirmi iki senesi muharreminin yirmi birinde terfi’an rütbe-i saniye sınıf-ı sanisi tevcih buyrulmuştur. Mir-i mûmâileyhin maaşı sene-i merkûme recebinin onunda (7 Eylül 320) iki yüz yirmi üç guruşa iblağ edilmiştir.