Bahaddin Bey

4.1.51.Petersburg Şehbenderi Bahaddin Bey660 Bahaddin Bey sudûr-ı azam reis’ül-ulema semahâtlü Rıza Efendi hazretlerinin mahdumudur. Bin iki yüz seksen altı tarihinde Dersaadet’te tevellüt etmiştir. Sıbyan mektebinde ve Tophane mekteb-i rüşdiyesinde müretteb ulumu tahsil ile şehadetname ve ba’de mekteb-i sultanîye devam ederek tasdikname ile edebiyat şahadetnamesi almıştır. Türkçe ve Fransızca tekellüm ve kitabet eder. Bin üç yüz seksen senesi safer’ül-hayrının üçünde 13 Eylül 306 yirmi iki yaşında iken mülazemetle tahrirat-ı hariciye kalemine dâhil ve üç yüz dokuz senesi zilkadesinin on üçünde 27 Mayıs 308 bin guruş maaş ve o miktar tahsisat ile Petersburg şehbenderliğine memur olup bin üç yüz dört senesi muharrem’ül-haramın yirmi birinde ba ibtida dâhil İstanbul medresesi ve rütbe-i aliyyesinin mülkiyeye tahviliyle üç yüz sekiz senesi cemaziyelevvelisinin on birinde uhdesine rütbe-i salise ve üç yüz dokuz senesi zilkadesinin yirmi yedisinde terfi’an rütbe-i saniye sınıf-ı sanisi tevcih buyrulmuştur. Tahrirat-ı hariciye kitabetine kalem-i mezkûre ait ifadatı mukarin-i sıhhat olduğu tenmik ve hariciye sicill-i ahvâl şubesi müdüriyetine dahi memuriyet-i aliyyesine tayin tarihiyle maaş ve tahsisat miktarları tasdik edilmiştir. Rütbe-i aliyyeye na’iliyyet tarihi bab ve alay fetva-i sicill-i ahvâl şubesi müdüriyetinin mezkûre-i cevabiyesinde gösterilmiş ve rütbe-i salise ve saniyesinin tevcih tarihleri dahi sicil-i ahvâl daire-i umumiyesine tebliğ buyrulan aradan seniyye-i hazret-i padişahîye tevfikan yazılmış ve rüştiye şahadetnamesiyle mekteb-i sultanî tasdiknamesi ve edebiyat şahadetnamesinin hariciye sicill-i ahvâl şubesi müdüriyetine musaddak suretleri varakasına rabt edilmiştir.

186 Mûmâileyh hüsn-ü hizmetine mükafaten bin üç yüz on senesi şehr-i safar’ül-hayrının dokuzunda dördüncü rütbeden mecidiye nişân-ı zişanı ve bin üç yüz on bir senesi şehr-i şevval’ül-mükerreminin altısında terfi’an rütbe-i saniye sınıf-ı mütemeyyizi tevcih buyrulmuştur. Mûmâileyh Rusya devleti tarafından ikinci rütbeden “sent istanislas” nişânı ita olunarak kabul ve lede’l-icab talikine bin üç yüz on bir senesi zilhiccesinin sekizinde müsa’adesiyle hazret-i halifetpenahî erzân buyrulmuştur. Mûmâileyh bin üç yüz on iki senesi rebiülahirinin on beşinde 3 Teşrinievvel 310 iki bin dört yüz guruş maaşla Viyana sefaret-i seniyyesi başkitabetine nakil buyrulmuştur. Mir-i mûmâileyh bin üç yüz on üç senesi şehr-i muharrem’ül-haramının sekizinde 19 Haziran 311 maaş-ı haliyyesi ve bin guruş tahsisat ile Petersburg sefaret-i seniyyesi başkitabetiyle konsolosluğa nakil buyrulmuştur. Mir-i mûmâileyh vezaif-i memuriyetne ifada ikdam ve mesaisine mebni sene-i merkûme şehr-i muharremü’l-haramının on dokuzunda terfi’an rütbe-i evvel sınıf-ı sanisi tevcih buyrulmuştur. Petersburg şehbenderi Bahaaddin Bey’in tercüme-i hülasası Mûmâileyh hüsn-ü hizmetine mükafaten bin üç yüz on senesi şehr-i saferü’l-hayrının dokuzunda dördüncü rütbeden mecidi nişân-ı zişânı ve bin üç yüz on bir senesi şehr-i şevvalü’l-mükerreminin altısında terfi’an rütbe-i saniye sınıf-ı mütemeyyizi tevcih buyrulmuştur. Mûmâileyh Rusya devleti tarafından ikinci rütbeden (sent istanislas) nişânı ita olunarak kabul ve lede’l-icab talikine bin üç yüz on bir senesi zilhiccesinin sekizinde müsaade-i seniyye-i hazret-i hilâfetpenâhi erzân buyrulmuştur. Mûmâileyh bin üç yüz on iki senesi rebiülahirinin on beşinde “3 Teşrinevvel 310” iki bin dört yüz guruş maaşla Viyana sefareti seniyyesi başkitabetine nakil buyrulmuştur. Mir-i mûmâileyh bin üç yüz on üç senesi şevvalü’l-mükerreminin sekizinde “19 Haziran 311” maaş-ı haliyesi ve bin guruş tahsisat ile Petersburg sefareti seniyyesi başkitabetiyle konsolosluğuna nakil buyrulmuştur. Mir-i mûmâileyh vezaife-i memuriyetini ifada ikdam-u mesa’isine mebni sene-i merkume şevvalü’l-mükerreminin on dokuzunda terfi’an rütbe-i evvel sınıf-ı sanisi tevcih buyrulmuştur. Mir-i mûmâileyh sene-i merkûme zilkadesinin beşinde tebdilen üçüncü rütbeden mecidi nişân-ı zişânı ihsan buyrulmuştur.

187 Mir-i mûmâileyh Buhara emiri hazretleri tarafından ikinci rütbeden necim-i Buhara nişânı ita olunup kabul ve lede’l-icab talikine bin üç yüz on dört senesi rebiülevvelinin yirmi sekizinde müsaade-i seniyye hazret-i padişahî erzân buyrulmuştur. Mir-i mûmâileyh sene-i merkûme ramazanının on yedisinde terfi’an rütbe-i evveli sınıf-ı evvel tevcih buyrulmuştur.