Mehmed Rafet Bey

4.1.42.Londra Başşehbenderi Mehmed Rafet Bey650 Mehmed Rafet Bey Kıbrıs ceziresi arazi yoklama müdüriyetinde bulunmuş olan mütehizan cezireden müteveffa Mehmed Kâmil Efendi’nin mahdumudur. Küttabzâdeler denilmekle mütearifdir. Bin iki yüz yetmiş dokuz sene-i hicriyesinde (sene-i maliye 78) Kıbrıs ceziresinde tevellüt ettiği nüfus-ı tezkire-i Osmanîsi suret-i musaddakasında münderictir. Cezire-i mezkûre sıbyan ve rüşdiye mekteplerinde müretteb dersleri ba’det-tedris birkaç ayda İngilizce tahsiline mahsus hususi mektebe ve bir sene dahi İngiltere’de Norveç şehri ibtidaî mektebine devam ile muahharen suret-i hususide İngilizce lisanı üzere he’yet ve coğrafya ve tabakâtü’l-arz ve hikmet ve fizyoloji derslerini ve mekteb-i hukuk-ı şahanede müretteb dersleri tahsil ve ikmal edip Türkçe ve Fransızca ve İngilizce tekellüm ve kitabet eylemiş ve Arabi ve Farsi ile Rumca ve Ulahcaya aşina idiği tercüme-i hal varakasında muharridir. Zikr olunan mekteb-i rüşdiye birinci ve a’la mertebeden 22 Haziran 94 ve mekteb-i hukuk-ı şahaneden karibü’l-ala dereceden 4 Temmuz 309 tarihli şahadetnameleri haizdir. Bin üç yüz beş senesi şa’banının yirmisinde (20 Nisan 304) yedi yüz elli guruş maaşla matbuat-ı ecnebiyye kalem-i İngilizce mütercimliğine bittayin üç yüz yedi senesi recebinin yirmi yedisinde (7 Mart 306) maaşı dokuz yüz elli guruşa terki edip sene-i merkûme şehr-i ramazan-ı şerifinin on dördünde uhdesine rütbe-i salise tevcih buyrulmuş üç yüz on senesi şevallinin on dokuzunda (24 Nisan 309) maaşı bin guruşa iblağ ile üç yüz on bir senesi saferinin yirmi üçünde (23 Ağustos 309) bin dokuz yüz guruş maaşla Bükreş sefareti seniyyesi ikinci kitabetine tahvil-i memuriyet ve rebiülevvelinin yirmi beşinde (25 Eylül 309) vazifesine mübaşeret edip sene-i merkûme recebinin sekizinde dördüncü rütbeden nişân-ı âli Osmanî ihsan buyrulmuştur. Üç yüz on iki senesi rebiüleveelinin yirmi üçünde (11 Eylül 310) maaş-ı mezkûr Atina sefareti seniyyesi ikinci kitabetine nakil-ı memuriyet ve cemaziyelevvelisinin on birinde (28 Teşrinievvel 310) Bükreş’ten infikâk eylemekle tarih-i naklinin infikâkına kadar nısf-ı maaş almak ve sene-i mezkûre şevvalin yirmi sekizinde (11 Nisan 312) iki bin guruş maaş ve beş yüz guruş tahsisat ile Köstence şehbenderliğine nakil eyleyerek zilhiccesinin üçünde (15 Mayıs 311) Atina’dan müfarekât eylediği cihetle nakli tarihinin müfarekâtına kadar kezalik nısf hesabı üzere tesviye eylemiştir. Hariciye nezareti celilesi umur-ı şehbenderi müdüriyetine yazılan mülahazada mûmâileyh rıza-yı alisi dairesinde hüsn-ü ifası hizmet ettiği ve ibraz liyakat ve ehliyet eylediği tasdik olunmuştur. Matbuat-ı ecnebiyye kalemi mütercimliği Bükreş ve Atina sefaretleri kitabetlerinde müddet-i hizmet ve miktar-ı maaşat ve sahihiyle keyfiyet-i nakli ve memuriyet-i hazresine tarih-i tayin ve mikdar-ı maaş ve tahsisatı matbuat-ı ecnebiye müdüriyetiyle hariciye nezareti celilesi muhasebesinden 15 Eylül 313 ve 11 650 BOA, HR.SAİD, No. 16, Gömlek No. 2, 3-2.

179 Teşrinievvel 313) tarihli kayıt suretlerinden ve tarih ve mahall-i vilayeti nüfus-ı tezkire-i Osmanîsi suret-i musaddakasından anlaşılıp evrak-ı mezkûre mekteb-i hukuk-ı şahane müdüriyeti tasdikname mekteb-i rüşdiye şahadetnamesinin suret-i musaddakasıyla beraber tercüme-i hal varakasıyla tezkire hıfzedilmiş ve rütbe-i salise ile dördüncü rütbeden nişân-ı âli Osmanî nailiyeti tarihleri komisyona tebliğ kılınan irade-i seniyye-i hazret-i padişahî kuyuduna mutabık bulunmuştur. Mûmâileyhin tercüme-i hal varakasından Bükreş sefareti seniyyesi ikinci kitabetinden infikâk esnada ale’l-usul Romanya hükûmeti tarafından dördüncü rütbeden “koron dö Roman” nişânı ita kılınıp nişân-ı mezkûrun kabul ve lede’l-icab taliki hususuna 22 Safer 311 tarihinde ma’da-i seniyye erzân buyrulduğu muharrir ise de ifadesine müeyyed evrad-ı müsebbete ibraz edememesi cihetle bu babda malumat-ı kuyudu hariciye nezaret-i celilesine tekiden istizar edilmiştir.