Hüseyin Hami Bey

4.1.29.Kragujevac Şehbenderi Hüseyin Hami Bey637 Hüseyin Hami Bey Serfice sancağı bidayet mahkemesi ceza dairesi reisi müteveffa İzzet Bey’in oğludur. Bin iki yüz seksen üç sene-i hicriyesinde Serfice’de tevellüt etmiştir. Serfice ibtidaî ve rüşdiye mekteblerinden ve bir müddet Dersaadet’te mekteb-i numune-i terakki’de tahsil eylemiş ve hususi muallimlerden Arabi ve Farsi okumuştur. Türkçe kitabet eder. Bin üç yüz üç sene-i hicriyesi evâsıtında (evahir-i sene-i maliye 1301) on dokuz yaşında iken mülazemetle hariciye evrak odasına dâhil ve iki sene sonra yine mülazemetle mektubî-i hariciye kalemine müntekıl olarak üç yüz altı senesi cemazielahiresinin dördünde uhdesine rütbe-i salise tevcih buyrulmuş ve üç yüz seksen senesi saferinde (Eylül 306) kezalik mülazemetle tâb’iyyet kalemine nakledilmiştir. Mektubî-i hariciye ser-halifeliğiyle evrak ve tâbi’yyet müdüriyetlerinden yazılan mülahazalarda işbu tercüme-i hal mündericatının mezkûr kaleme ait cihetleri tasdik olunmuştur. Mûmâileyhin tezkire-i Osmanîyyesi hariciye sicill-i ahvâl müdüriyetince görülerek ia’de edilmiş ve mekteb-i hukuk-ı şahanenin üçüncü sınıfında müdâvim bulunduğuna mübeyyen mekteb-i mezbûr müdüriyetinden verilen ilmühaber tâbi’yyet müdüriyetinden müsâdif musaddak sureti tercüme-i hal varakasıyla mahfûz bulunmuştur. Karagujevatz şehbender vekili Hüseyin Hami Bey’in tercüme-i haline zeyldir Mir-i mûmâileyh üç yüz on yedi senesi rebiülahirinin yirmi ikisinde (17 Ağustos 315) bin sekiz yüz guruş maaş ve beş yüz guruş tahsisat ve beş yüz guruş hane kirası ile Bulgaristan komiserliği ticaret müdürlüğüne nakil ve tayin olunmuştur. Mir-i mûmâileyhin tebdilen Bulgaristan komiserliğinden bildirildiğine ve komiserliğin bu babdaki iş’aretine nazaran memuriyet-i haliyesinde ifası maslahata caiz görülemeyip tebdilen iktiza eylemesine mebni saib-i atıfet-i daye-i hazret-i şehriyaride ilk açılacak münasib bir memuriyete tayin olunmak üzere üç yüz on sekiz senesi cemaziyelahiresinin on dördünde (26 Eylül 316) mezkûr ticaret müdürlüğünden azledilmiştir.

164 Mir-i mûmâileyhin üç yüz on dokuz senesi şa’banının dördünde (1 Teşrinisani 317) bin sekiz yüz guruş maaş ve beş yüz guruş tahsisat ile Kraguyevaç şehbenderliğine vekalete tayin ve izam olunmuştur. Rusçuk tüccar vekili izzetlü Hüseyin Hami Bey’in tercüme-i haline zeyldir Mûmâileyh Hami Bey bin üç yüz on bir senesi muharreminin yirmi sekizinde dördüncü rütbeden mecidi nişân-ı zişânı ihsan buyrulmuş ve sene-i merkûme rebiülahirinin on yedisinde (15 Teşrinievvel 309) dokuz yüz yirmi guruş maaş ile Adakale müdüriyetine tayin kılınmıştır. Mir-i mûmâileyh uhdesine üç yüz on iki senesi cemaziyelevvelisinin sekizinde terfi’an rütbe-i sani sınıf-ı sanisi tevcih buyrulmuştur. Mir-i mûmâileyh istifa eylemesine mebni üç yüz on üç senesi cemaziyelahiresinin on sekizinde (23 Teşrinisani 311) azledilmiştir. Mir-i mûmâileyh üç yüz on dört senesi rebiülahirinin yirmi ikisinde (17 Eylül 312) bin guruş maaş ve beş yüz guruş tahsisat ile Kervansaray şehbender vekaletine tayin olunmuştur. Mir-i mûmâilyehih maaşı sene-i merkûme şehr-i şevval-i şerifinin dokuzunda (1 Mart 313) öşrünün tecili ile dokuz yüz guruşa tenzil etmiş ve üç yüz on beş senesi rebiülahirinin yirmi birinde Yunan muhaberesi madalyası ihsan buyrulmuştur. Mir-i mûmâilyeh sene-i merkûme şehr-i ramazan-ı şerifinin on dokuzunda (30 Kanunisani 313) bin sekiz yüz guruş maaş ve beş yüz guruş tahsisat ile İvranya şehbenderliğine tahvil-i memuriyet etmiştir. Mir-i mûmâilyeh sene-i mezbûre zilhiccesinin on sekizinde (28 Nisan 314) bin sekiz yüz guruş maaş ve becayiş suretiyle Rusçuk tüccar vekaletine tayin olunmuştur. Mir-i mûmâilyeh uhdesine üç yüz on altı senesi rebiülahirinin on birinde terfi’an rütbe-i saniye sınıf-ı mütemeyyizi tevcih buyrulmuştur.