Kostaki Petropolo

4.2.36.Podgorica Şehbenderi Kostaki Petropolo733 Kostaki Petropolo Efendi Rum milletinden sabık divan-ı hümayun tercümanlığında bulunan müteveffa Alko Bey’in mahdumudur. Bin iki yüz elli üç senesi rebiülevvelinin yirmi beşinde Dersaadet’te tevellüt etmiştir. Fener’de Rum Mektebinde bazı fünun ile Atina’da Fransızca tahsil eylemiştir Türkçe biraz okuryazar Rumca ve Fransızca ve İtalyanca kitabet edebilir Rus lisanına aşinadır. Bin iki yüz yetmiş bir senesi saferinin yirmi ikisinde on sekiz yaşında olduğu halde mülazemetle Atina Sefaret-i seniyyesi maiyetine duhül ile mübeyyizlik hizmetinde istihdam olunmakta iken sefaret-i müşârün-ileyh fahri ateşe tayin ve sefarete ait şehbenderhane hasılatından kendisine şehr-i yüz frank maaş ita olunup üç sene kadar bu hizmette bulunduktan sonra yetmiş üç senesi evahirinde Dersaadet’e gelip yetmiş yedi senesi evahirinde dört yüz guruş maaşla pasaport odasına memur ve üç sene mürurunda yani seksen senesi evahirinde bin guruş maaşla Kerç şehbenderhanesi kançılarlığına müntekıl ve seksen altı senesi rebiülevvelinin yirmi rütbe-i saliseye nail olarak bin üç yüz dört senesi rebiülevvelinin yirmi beşinde dördüncü rütbeden mecidi nişânı ihsan buyrulmuş ve sene-i merkûme zilkadesinin yirmi ikisinde şehbender vekili unvanı ita kılınmıştır. Bulunduğu memuriyetlerde nakil ve tahvil suretleriyle infikâk edip umur-ı memuresine müteallik bir şeyle taht-ı muhakemeye alınmamıştır. Nezaret-i celile-i hariciye umur-ı şehbenderi müdüriyetiyle nezaret-i müşârünileyhden yazılan mülahazada mûmâeliyhin derece-i hal ve hareketi hizmet-i 733 BOA, HR.SAİD, No. 16, Gömlek No. 18, 3-2-1.

250 vakasının münfehim olmakta olup el-haletü hazih Şira başşehbenderhanesi şehbender vekili unvanına haiz olduğu halde kançılarlık vezaifini ifa ile meşguldür. Mûmâileyh bin üç yüz on bir senesi şehr-i receb’ül-ferdinin dokuzunda “4 Kanunievvel 1309” bin guruş maaş ve bin guruş tahsisat ile Ayamavra şehbender vekaletine nakil olunmuştur. Mûmâileyhin şeyhuhetine mebni ifa-yı vezaif-i mevkulesine düçar-ı müşkilat olmakta olduğu cihetle saye-i ihsanevari-i hazret-i tâc-dâride bir hizmet-i münasebe ile kayrılmak veyahut istid’ası vuku’nda teka’üdü icra kılınmak üzere azli hakkında hariciye nezareti celilesinden vaki olan iş’ar ve memuriyet-i mülkiye komisyonundan verilen karar üzerine bi’l-istizan şeref-sâdır olan irade-i seniyye-i hazret-i hilâfetpenâhi mûcibince bin üç yüz on yedi senesi recebinin on sekizinde “10 Teşrinisani 315” infisâl vuku bulmuştur. Pire şehbender vekili Kostaki Petropolo Efendi’nin tercüme-i haline zeyldir (1) Mûmâileyh bin üç yüz on bir senesi şehr-i recebü’l-ferdinin dokuzunda (4 Kanunievvel 1309) bin guruş maaş ve bin guruş tahsisat ile Ayamavra şehbender vekaletine nakil olunmuştur. Mûmâileyhin şeyhûhetine mebni ifa-yı vazife-i mezkûresine düçar müşkülat olmakta olduğu cihetle saye-i ihsanevari hazret-i tâc-dâride bir hizmet-i münasebe ile karılmak istidası vukunda teka’üdü icra kılınmak üzere azli hakkında hariciye nezareti celilesinden vakı olan iş’ar ve memuriyet-i mülkiye komisyonundan verilen karar üzerine bi’l-istizan şeref-sâdır olan irade-i seniyye-i hazret-i hilâfetpenâhi mûcibince bin üç yüz on yedi senesi recebinin on sekizinde “10 Teşrinisani 315” infisâli vuku bulmuştur. Mûmâileyh hariciye nezareti celilesinden vuku bulan iş’ar ve memuriyet-i mülkiye komisyonundan verilen karar üzerine ve bi’l-istizan şeref-sâdır olan irade-i seniyye-i hazret-i hilâfetpenâhi mûcibince bin üç yüz on dokuz senesi rebiülahirinin dokuzunda “12 Temmuz 317” hasılat-ı vakıdan istifa olunmak üzere bin guruş maaş ve beş yüz guruş tahsisat ve beş yüz guruş hane kirası ile Romanya’da “Turnu Magurel” şehbender vekaletine tayin buyrulmuştur. Turnu Magurel şehbenderi Kostaki Petropolo Efendi (zeyl 2) Mûmâileyh nezrat-i müşârûn-ileyhden vakı olan iş’ar ve memuriyet-i mülkiye komisyonundan verilen kara ve bi’l-istizan şeref-sâdır buyrulan irade-i seniyye-i hazret-i hilâfetpenâhi mûcibince sene-i merkûme zilkadesinin yirmi beşinde “20 Şubat 317” bin yüz guruş maaş ve beş yüz guruş tahsisatla Podgorica şehbenderliğine nakil buyrulmuştur.

251 Mumaileyh Yunan devleti tarafından ita olunan beşinci rütbeden “sover” nişânının kabul ve lede’l-icab taliki hususuna üç yüz yirmi dört senesi rebiülahirinin üçünde müsaade-i seniyye-i hazret-i hilâfetpenâhi erzân buyrulmuştur.