Mehmed Rıfat Bey

4.1.31.Kars Şehbender Vekili Mehmed Rıfat Bey639 Mehmed Rıfat Bey Gelibolu jandarma binbaşısı ri’fatlü Abdullah Fehmi Bey’in oğludur. Bin iki yüz doksan dört sene-i hicriyesinde sene-i maliye (1293) Dersaadet’te tevellüt etmiştir. Üç sene mekteb-i Osmânîde ve iki sene Siroz mülki idadîyesinde okuduktan sonra mekteb-i rüşdiye-i askeriyede müddet-i muayyende müretteb ulûm ve fünunu tahsil ile şahadetname almıştır. Türkçe okuryazar Fransızca tahsiline devam etmektedir. Bin üç yüz on iki senesi şehr-i rebiülevvelinin on dokuzunda (7 Eylül 310) on sekiz yaşında iken mülazemetle Siroz sancağı tahrirat kalemine girip mah-ı mezbûrun yirmi yedisinde (15 Eylül 310) yüz guruş maaş ile liva ve mezbûr muhasebe kalemi baş kitabeti mu’avinliğine bittayin üç yüz on üç senesi şehr-i rebiülevvelinin yirmi üçünde (1 Eylül 311) istifa’en infisâl ederek şehr-i zilkadesinin on dördünde 15 Nisan 312 bila maaş dâhiliye nezareti matbu’at-ı ecnebiyye kaleminne alınmıştır. Kalem-i mezkûr müdüriyetinden memuriyeti tasdik ve nezaret-i müşârûn-ileyh müsteşarlığından teyit kılınmıştır. Siroz sancağı muhasebe kalemi baş kitabeti mu’avinliğinde müddet-i istihzamıyla mikdar-ı maaşına dair liva meclisi idaresinin 3 Şubat 311 tarihli mazbatasıyla mekteb-i rüşdiye şahadetnamesi ve nüfus-ı tezkire-i Osmanîyyesi aynen bi’l-iraz? dâhiliye sicill-i ahvâl şubesince görülüp iade edilmiştir. Mir-i mûmâileyh uhdesine üç yüz on beş senesi cemaziyelevvelisinin yirmisinde rütbe-i rabia tevcih buyrulmuş ve üç yüz on altı senesi rebiülahirinin on sekizinde (23 Ağustos 314 yüz guruş maaş tahsis olunmuştur. Sene-i merkûme şa’banının on ikisinde (14 kanunievvel 314) kalem-i mezkûr tekrar hariciye nezaretine ilhak olunarak zilkadesinin gurresinde (1 Mart 315) mûmâileyh dokuz yüz guruş maaş ve iki yüz elli guruş tahsisat ile Kars şehbender vekaletine tayin ve üç yüz on sekiz senesi saferinin on üçünde dördüncü rütbeden mecidi nişân-ı zişânı ihsan buyrulmuştur.

166 Mûmâileyh Kars’ta bulunduğu müddetçe Rus lisanı tahsil edip tahrir ve tekellüme kesb-i iktidar eylemiş olduğunun tercüme-i haline tezyiline? Makam-ı nezaret-i celilesye takdim edip havale buyrulan (24 Teşrinievvel 316) tarihli arzuhaliyle istid’â eylemiş ve Rus lisanına aşina olup lisan-ı mezkûrla okuyup yazmaya iktidarı bulunduğu matbu’at-ı ecnebiyye kalemi halifesinden Rusça lisanı mütercimi Celal Enes Bey tarafından verilip mezkûr arzuhâle rabt edilen şahadetname ile tasdik edilmiş olmakla tezyil kılındı.