Hasan Fikri Efendi

4.1.45.Narde Şehbender Vekili Hasan Fikri Efendi654 Hasan Fikri Efendi Lazistan eşrafından Hacı Kibar Efendi’nin mahdumudur. Bin iki yüz seksen iki sene-i hicriyesinde (sene-i maliye 281) Trabzon vilayetinde Arhavi kasabasında tevellüt etmiş. Mekteb-i ibtidaîde ve ba’de suret-i mahsusada tahsil etmiştir. Türkçe kitabet eder Rus ve Gürcü Lisanlarına aşinadır. Bin üç yüz on iki senesi şehr-i receb-i şerifi gurresinde (17 Kanunievvel 310) otuz yaşında iken mülazemetle hariciye nezareti celilesi umur-ı şehbenderi kalemine dâhil olmuştur. Umur-ı şehbenderi müdüriyetinden yazılan mülahazada tercüme-i halinin kaleme ait ciheti tasdik olunmuştur. Tezkire-i Osmanîyyesinin suret-i musaddakası tercüme-i hal varakasıyla mahûzdur. Efendi-i mûmâileyh bin üç yüz on dört senesi muharreminin yirmisinde (20 Haziran 312) bin guruş maaş ve beş yüz guruş tahsisat ve beş yüz guruş hane kirası ile Rusya’da kain Sohum Kale şehbender vekaletine tayin olmuştur. Mûmâileyh yalnız maaş sene-i merkûme şevvalinin dokuzunda “1 Mart 313” ? dokuz yüz guruşa tenzil ettiği ve bin üç yüz on altı senesi cemaziyelevvelisinin yirmi ikisinde “27 Eylül 314” Sohum kazası şehbenderliğinin lağvı hasebiyle infisâl eylediği Hariciye Sicil Şubesinin 20 Nisan? 317 tarihli vuku’at pusulasında gösterilmiştir. Mûmâileyh hariciye nezareti celilesinden vaki olan iş’ar ve memuriyet-i mülkiye komisyonuna verilen karar üzerine ve bi’l-istizan şeref-sâdır olan irade-i seniyye-i hazret-i lihafetpenahî mûcibince bin üç yüz on yedi senesi şa’ban-ı şerifinin 653 BOA, HR.SAİD, No. 20, Gömlek No. 14, 2. 654 BOA, DH.SAİD.d, No. 78, Gömlek No. 25, 25.

182 yirmi sekizinde “7 (silik) Kanunievvel 315” dokuz yüz elli guruş maaşla yine Yenişehir Şehbender Vekaletine tayin olunmuştur. Mûmâileyhin tahvil-i memuriyeti icab etmesine mebni Narde şehbender vekaletine icra-yı becayiş memuriyeti hariciye nezareti celilesinin evveliyesinden mezkûresinde gösterilmiş üzerine tahvil-i memuriyetine icap ettiren ahvalin Yenişehir şehbenderi Suad’ın hakkındaki ihbaratının tahkikatı vaki ile teyid olunmamasına ve mûmâileyhin orada devam-ı memuriyeti şehbender ile adem-i imtizacı cihetle umur-ı mesalih-i resmiyede sud-i tesir hasıl edeceği mülahazasına müstenid olduğu sebk eden iş’ar üzerine nezaret-i müşârûnileyhden alınan tezkire-i cevabiyede gösterilmiş ve men’ istihdam bir hal olmadığı tercüme-i halinde tedkikatdan anlaşılmış olduğundan ber-mûcib iş’ar icra-i becayiş “(silik) Nisan 317” memuriyeti hakkında komisyonca verilen karar üzerine ve bil-istizan şeref-sâdır irade-i seniyye-i hazret-i padişahî mûcibince bin üç yüz on sekiz senesi recebinin altısında “8 Teşrinievvel 316” altı yüz otuz guruş maaşla Narde şehbender vekaletine becayiş-i memuriyeti icra olunmuştur. Mûmâileyhin umur-ı şehbenderi müdüriyetine irsal eden tahriratda sana’t-i memuriyetine yakışmayacak suretde idare-i kelam eylediği gibi sefaret-i seniyyeden verilen emr ve talimat hilafına olarak mahal-i memuriyetine terk ile Atina’ya azimet ve bu defa Narde’ye avdet eyledikten sonra başına topladığı bazı Yunani pespayelerle olduğu cihetle devam-ı memuriyeti gayr-i caiz görülmesine mebni hariciye nezaret-i celilesinden vuku bulan iş’ar-ı memuriyet-i mülkiye komisyonundan verilen karar üzerine bil-istizan şeref-sâdır olan irade-i seniyye-i hazreti hilâfetpenâhi mûcibince bin üç yüz on dokuz senesi saferi selhinde “3 Haziran 317” mezkûr şehbenderliğinden azledilmiştir.