Osman Midhad Bey

Osman Midhad Bey Kaymakam ma'zûllerinden sülâle-i Mevlânâ'ya mensûb Şevket Bey'in mahdûmüdür. Bin iki yüz doksan iki sene-i hicriyyesinde sene-i mâliye 1291 (1874) Karahisar-ı Sâhib kasabasında tevellüd eylediği nüfûs tezkire-i Osmaniyesinde muharrerdir. Kasaba-i mezkûre Sıbyan ve İbtidâî Mekteplerinde mukaddimât-ı ulûmû ve Mekteb-i Rüşdîsinde müretteb derslerin ve Bursa ve Konya Vilâyetlerinin mekâtib ve i'dâdisinde muayyen ulûm ve fünûnu tahsîl ve ikmâl ile 20 Temmuz 1304 (1 Ağustos 1888) ve 16 Temmuz 1308 (28 Temmuz 1892) târihli ale'l-a'lâ dereceye Mekteb-i İbtidâî ve Rüşdî ve 11 Eylül 1312 (28 Eylül 1896) târihli vasat derecede Bursa ve 4 Temmuz 1314 (23 Eylül 1896) târihli karîb a'lâ derecede Konya Mekteb-i İ'dâdî şehâdetnâmelerini almışdır. Mûmâileyhin Mekteb-i İbtidâî ve Rüşdî ve İ'dâdî şehâdetnâmeleriyle târih ve mahal-i vilâdeti mütezammın nüfûs tezkire-i Osmâniyesi bit-tantîk iâde kılınmışdır. 18 Zilhicce 1312 (12 Haziran 1895) / 17 Nisan 1315 (29 Nisan 1899).

Mûmâileyhin 1322 senesi Zilhiccesi zilhinde 22 Şubat 1320 (7 Mart 1905) dörtyüzseksenkuruş maaşla Hüdâvendigâr Vilâyeti dâhilinde Tavşanlı Nâhiyesi müdürlüğüne tayin edildiğini nâhiye-i mezkûre ile Kütahya Sancağı meclis idârelerinin 11 Mart 1322 (24 Mart 1906) tarihli mazbatasında beyan kılınmışdır.

Mûmâileyhin hapsi eşhâs-ı fi'liyle maznûn-ı aleyh olduğundan dolayı berâati hâlinde diğer mahalle tayin olunmak üzere Garbî Kütahya Sancağı mutasarrıflığının iş'ârıyla atfen Hüdâvendigâr Vilâyetinden izbâr kılınması üzerine 1324 senesi Muharrem'inin 12'sinde (8 Mart 1906) 23 Şubat 1321 (8 Mart 1906) yerine diğeri tayin kılınmış olduğu kayıddan ve maamâfih livâ-i mezkûr meclis idâresinden i'tâ olunub yedinde olan 11 Mart 1322 (24 Mart 1906) tarihli berâat mazbatasında mezkûr Tavşanlı Nâhiyesi müdürlüğüne Sincanlı Müdürünün tayin kılınmasından dolayı açıkda kaldığı ve zamân-ı idâresinde bir gûne zimmet ve ilişiği olmadığı muharrer bulunduğu anlaşıldığı me'mûriyet kalemi müdüriyetinin 3 Haziran 1322 (16 Haziran 1906) tarihli müzekkere-i cevâbiyesinde gösterilmişdir.

(8 Ekim 1905) tarihli mazbatasında beyan ve livâ-i mezkûr meclis idâresinin sâlifü'z-zikr 11 Mart 1322 (24 Mart 1906) tarihli mabata-i müzeyyelesinde keyfiyet-i berâati tasdîk kılınmış ve mazbata-i mezkûre komisyonunca ba'de'l-mutâlaa iâde idilimişdir.

Mûmâileyhin sene-i mezkûre Ramazan'ının on birinde 15 Teşrin-i Sânî 1322 (28 Kasım 1906) beşyüzdörtkuruş maaşla Çevril Nâhiyesi müdürlüğüne tayin olunarak işe mübâşeretle hod be-hod terk-i me'mûriyetle İzmir'e gitmesinden dolayı 1326 senesi Muharrem'inin 7'sinde (10 Şubat 1908) 28 Kanun-ı Sani 1322 (10 Şubat 1908) açığa çıkarıldığı ve imtidâd iden nâmına me'mûriyetinde bir günâ zimmet ve ilişiği olmayub iffet ve istikâmetle mutassıf bulunduğuna Karahisar-ı Sâhib muhâsebesinden müzeyyel Sandıklı Kazâsı meclis idâresinin 1 Eylül 1325 (14 Eylül 1909) tarihli mazbatasıyla zâhir yine livâ-i mezkûr meclis idâresinden muharrer 13 Teşrin-i Evvel 1325 (26 Ekim 1909) tarihli mazbatasında gösterilmişdir. ²⁷