Jozef Arsin Efendi

4.2.39.Rostov Şehbender Vekili Jozef Arsin Efendi737 Jozef Arsin Efendi Arsin Efendi’nin oğludur. Bin iki yüz yetmiş iki senesinde Dersaadet’te tevellüt eylemiştir. Dersaadet’te ve ba’de Venedik’te murad ve refail mektebinde ve ticaret mektebinde fen-i hesab ve cebir ve hendesi ve coğrafya ve kozmografya ve tarih-i tabi’i ve hikmet-i tabiiye ve kimya ve edebiyattan ders görüp istenografi usulünce kitabet tahsil eylemiştir Türkçe ve Fransızca ve İtalyanca ve İngilizceye aşinadır Ermenice okuryazar. Bin iki yüz doksan altı senesi zilhiccesinin yirmi ikisinde yirmi dört yaşında olduğu halde mülazemetle bâb-ı âli tercüme odasına dâhil ve doksan dokuz senesi zilhiccesinde yüz guruş maaşa nail olarak bin üç yüz senesi recebinde maaşı yüz elli guruşa iblağ olunup bin üç yüz bir senesi saferinin yirmi beşinde on altın maaş ile 736 BOA, HR.SAİD, No. 1, Gömlek No. 12, 1. 737 BOA, HR.SAİD, No. 14, Gömlek No. 1, 2.

253 Korfu başşehbenderliği kançılarlığına dört mah mürurunda ol-miktar maaş ve şehri beş altın tahsisat ile Atina ve Pire başşehbenderliği kançılarlığına nakil ve burada vezaif-i memuresini hüsn-ü ifa edememesinden dolayı bin üç yüz iki senesi rebiülahirinin dördünde azil edilerek bin üç yüz üç senesi cemaziyelahiresinin yirmi dördüne müsâdif bin üç yüz iki senesi martının on sekizinde bin beş yüz guruş maaş ve bin guruş tahsisat ile Rostov şehbender vekaletine tayin kılınmıştır. Tercüme odasından ve Korfu kançılarlığından tahvil-i memuriyet sebebiyle infikâk etmiş ve Atina ve Pire kançılarlığından dahi vazifesini hüsn-ü ifa etmemesinden dolayı azledilmiş ise de umur-ı mevkulesine ait bir şeyle taht-ı muhakemeye alınmamıştır. Umur-ı şehbenderi müdüriyet-i alisinden yazılan mütalaada mûmâileyhin mukaddema Atina ve Pire kançılarlığında bulunduğu ve divan-ı hümayun tercümanlığından derç olunan mütalaada hesab-ı tercümanın tercüme odasına ait ifadatı tasdik olunmuş ve işbu mütalaalar hariciye nezareti celilesinden ilave kılınan zeyl ile teyid edilmiştir. Mûmâileyhin Atina ve Pire kançılarlığında bulunduğu esnada başşehbender bulunan Hasib Efendi’nin inhiraf mizacından naşi li-ecli’t-teravi Dersaadet’e avdetine vekalet ederek bu müddet zarfında şehbenderlik maaşının rubiyle kendi masrafının bedelini şehbenderhane sandığından ? almış ise de şehbenderlerin mezuniyetlerine dair olan kararnamenin üçüncü bendi hükmünce maaşın tamamı mûmâileyh Hasib Efendi’ye ait bulunduğundan mûmâileyh Jozef Efendi’nin aldığı akçenin Hasib Efendi’ye iadesi ve hüsn-ü inzibat mugayir olduğu iddia olunan hareketi ise ehemmiyetli olduğu cihetle iktizası encümen-i hariciyenin rey ve kararına ta’lik kılındığı ahiren hariciye tahkik komisyonundan tanzim olunan 22 Teşrinievvel 301 tarihli mazbatada gösterilmiş ve işbu mazbata-i mündericatı encümen-i mezkûrece şayan-ı kabul görülmekle bir menval muharrir Rostov şehbender vekaletine intihab ve tayin olunmuştur. Zeyl Mûmâileyh Jozef Arsin Efendi hakkında vuku bulan şikâyet üzerine memuriyette ibkâsı caiz görülmediğinden bin üç yüz dört senesi zilkadesinin on beşinde (23 Temmuz 303) Rostov şehbender vekaletinden azledilmiştir. Mûmâileyh bir memuriyet-i münasebeye tayinini istid’a etmeğinde ise tercüme-i hal varakasında hakkında vuku bulan şikayet üzerine memuriyetinde ibkâsı caiz görülemediğinden naşi azl olunduğu muharrir olduğundan ol-emirde şura-yı devletçe tedkik-i keyfiyetle cevaz veyahut istihdamının bir karara rabt-ı lüzumuna dair hariciye nezareti celilesinden iş’ar olunması üzerine icra kılınan tedkikat neticesinde ol bâbda mukaddema şeref-sâdır olan irade-i seniyye-i cenab-ı padişahî mûmâilehin şikayet-i mezkûreden naşi azline dair olup adem-i istihdamına müttezıh olmadığı anlaşılmış ve tercüme-i halinde men-i istihdam bir kayd bulunmamış olduğundan bir memuriyet-i münasebede istihdam olunmasının nezaret-i celileleye

254 tebliği mezkûr olunduğu şura-yı devlet-i mülkiye dairesinin 22 Kanunisani 321 tarihli ve 1858 numaralı buyruldu-i sami-i sadaretpenâhi ile sureti tebliğ olunan mazbatasında gösterilmiştir.