Kirkor Yaldızyan

4.2.3.Avusturya Şehbenderi Kirkor Yaldızyan695 Kirkor Yaldızyan Efendi Ermeni Katolik milletinden İstepan nam kimesnenin oğludur. Bin iki yüz altmış iki senesi muharrem’ül-haramının yirmi dördünde Dersaadet’te tevellüt etmiştir. Beyoğlu’nda Katolik ve Bebek’te Fransız mekteplerinde okuyup Paris ve Roma Katolik mekteplerinde dahi tahsil-i fünun eylemiştir. Türkçe ve Fransızca ve Ermenice ve İtalyanca okuryazar Rumca ve Almancaya da aşinadır. Yedi ay kadar Soğukçeşme telgraf mektebine devam ile telgraf fenini tahsil eyledikten sonra seksen dokuz sene-i hicriyesinde yirmi yedi yaşında olduğu halde mülazemetle Beyoğlu telgrafhanesine duhul ile doksan senesi muharrem’ül-haramın on dördünde dört yüz guruş maaş ile Samsun telgraf merkezi ecnebi muhbire memuriyetine tayin olunarak sene-i merkûme şevvalinin yirmi üçünde bi’l-istifa münfasıl olmuş ve zilkadesinin onunda bin iki yüz guruş maaş ve penaloka temurlu keşif fırkası birinci şubesi tercümanlığı ve evrak müdürlüğü ile Bosna’ya azimet ve doksan bir senesi receb’ül-ferdinin on dördünde keşfiyatın hitamı cihetiyle 695 BOA, HR.SAİD, No. 12, Gömlek No. 5, 3.

219 Dersaadet’e avdet eyleyip doksan altı senesi şehr-i ramazan-ı şerifinin yirmi altısında iki yüz elli guruş maaşla Adalar vergi kitabeti refakatine tayin ve doksan yedi senesi rebbiülevveli selhinde tebdil edilmiştir ve üç yüz bir senesi ramazan-ı şerifinin yirmi altısında bin üç yüz guruş maaşla Sırbistan komiserliği kitabetine memur ve üç yüz üç senesi şa’ban-ı şerifinin on üçünde mezkûr komiserlik ilgası sebebiyle münfasıl olarak üç yüz dört senesi zilhiccesinin on altısında bin guruş maaş ve bin guruş tahsisat ile Sırbistan’da kain Öziçe şehbender vekaletine tayin kılınmıştır. Bervech muharirir bulunduğu memuriyetlerden istifa ve ilga suretleriyle infisâl ederek umur-ı memuresinden dolayı müttehim olmamış ve taht-ı muhakemeye alınmamıştır. Hariciye nezareti celilesi sicill-i ahvâl müdüriyetinden yazılan mülahazada mûmâileyhin memuriyeti tasdik kılınmıştır. Mûmâileyh Samsun muhbire memuriyetinde birçok sene bulunduğunu ve bi’l-istifa Dersaadet’e geldikten sonra yedi ay kadar Beyoğlu telgrafhanesinde dört yüz guruş maaşla istihdam olunduğu tercüme-i hal varakasında beyan eylemiş ise de telgraf ve posta sicill-i ahvâl şubesinin 2 Nisan 304 tarihli mezkûre-i cevabiyesinde Samsun ecnebiyye-i muhbire memuriyetinden müddet-i istihdamı on aydan ibaret olup Beyoğlu merkezinde istihdamına dair kayda zafer-yab olunamadığı gösterilmiş ve Samsun memuriyetinden tarih-i istifasıyla heyet-i feniyye tercümanlığına tarih-i tayinine nazaran Beyoğlu telgraf-ı mezkûruna devam etmediği anlaşılmış ve mezkûr tercümanlıkta bin üç yüz guruş maaş ile iki buçuk sene ve Adalar vergi kitabeti refakatinde iki sene istihdam olunduğu der-meyan eylediği halde tercümanlıkta dokuz mah kadar bin iki yüz guruş maaşla bulunduğu nafi’a nezareti celilesi sicill-i ahvâl şubesinin 26 Mart 304 tarihli zeylen gelen mezkûresine mehbut bir kıta pusuladan ve Adalar vergi kitabeti refakatinde dahi yalnız sekiz ay istihdam olunduğu şehr-i emaneti celilesi tahrir müdürlüğünün 21 Mart ? tarihli zeylinden müstebân olmuştur.