Mustafa Enver Bey

4.1.41.Liverpool Başşehbenderi Mustafa Enver Bey649 Mustafa Enver Bey Dersaadet istinaf mahkemesi cinayet kısmı azasından merhum Tevfik Bey’in mahdumudur. Bin iki yüz seksen sekiz sene-i hicriyesinde (sene-i maliye 1287) Dersaadet’te tevellüt etmiştir. Mekteb-i ibtidaî ve rüşdiyede mukaddimat ulûmu ta’limeden sonra mekteb-i mülkiye-i şahanede ikmal-i tahsil ederek edebiyat ve ulûm ve fünun şehadetnamesi almıştır. Türkçe ve Fransızca tekellüm ve kitabet eder. Bin üç yüz on iki senesi şehr-i ramazan-ı şerifi gurresinde (17 Şubat 310) yirmi dört yaşında iken mülazemetle bâb-ı âli tercüme odasına dâhil olarak üç yüz on üç senesi cemaziyelevvelisinin on beşinde (22 Teşrinievvel 311) müceddeden yüz guruş maaş tahsis edilmiştir. Divan-ı hümayun tercümanlığından yazılan mülahazada tercüme-i halinin kaleme ait mündericatı tasdik olunmuştur. Mekteb-i rüşdiye ve mekteb-i mülkiye-i şahane şahadetnameleri ile tezkire-i Osmanîsinin suret-i musaddakaları tercüme-i hal varakasıyla mahfûzdur. Tahran sefaret-i seniyyesi başkatib ve şehbenderi izzetli Mustafa Enver Bey’in tercüme-i haline zeyldir Mir-i mûmâileyh mezkûr baş kitabetten dolayı mahsus olan maaşı üç yüz on dokuz senesi recebinin on altısında (16 Teşrinievvel 317) iki bin üç yüz otuz guruşa iblağ edilmiştir. Mûmâileyh uhdesine üç yüz on dokuz senesi şa’banının altısında terfi’an rütbe-i saniye sınıf-ı mütemeyyiz tevcih buyrulmuştur Mûmâileyh ikinci defa olarak vezaife-i asliyesine ilaveten ve üç yüz yirmi senesi şa’banının ikisinden itibaren (21 Teşrinievvel 318) zilhiccesinin altısına kadar (20 Şubat 318) altı yüz yetmiş beş guruş maaş ve dokuz yüz guruş tahsisat ile Kirmanşah başşehbenderliği vezaifine vekaleten ifa eylemiştir. Mûmâileyhin lisan-ı Farsi üzere şifahen ve tahriren ifade-i meram edebildiği Tahran sefareti seniyyesinden varid olup havale buyrulan 12 Mart 319 tarihli tahriratta iş’ar olunmuştur. Tercüme odası halifesinden Enver Bey’in tercüme-i haline zeyldir Mir-i mûmâileyhin maaşı bin üç yüz on üç senesi şehr-i receb-i şerifinin onunda (15 Kanunievvel 311) iki yüz elli guruşa iblağ edilmiştir.