Edmun Polikar Fransuva Ros Terziyan

4.2.37.Poti (Faş) Şehbender Vekili Fransuva Ros Terziyan734 Edmun Polikar Fransuva Ros Terziyan tebaa-i devlet-i aliyyenin Latin milletinden Agob nam kimsenin oğludur. Bin iki yüz seksen iki sene-i hicriyesinde sene-i maliye 1281 Dersaadet’te tevellüt eylediği nüfus-ı tezkire-i Osmanîyyesi suret-i musaddakasında muharrirdir. Mekteb-i ibtidaîde ve mekteb-i sultanîden Türkçe üçüncü ve Fransızca beşinci sınıflarında ve mekteb-i mülkiye-i şahanenin sınıf-ı alisinde tahsil mekteb-i sultanîden 1 Nisan 1896 miladi tarihli bir kıta tasdikname ve mekteb-i mülkiye-i şahaneden a’lâ dereceli ve 18 Ağustos 1298 rumi tarihli siyasiye şahadetnamesi ahz eylemiştir Türkçe ve Fransızca okuryazar Rumca ve İtalyanca tekellüm eder. Bin iki yüz doksan dokuz sene-i hicriyesinde sekiz mah kadar tahrirat-ı hariciye kalemine mülazemetle bin üç yüz senesi zilkadesinin on üçünde 3 Eylül 1299 bin seksen guruş maaşla Kosova vilayeti tercümanlığına bittayin rebiülevvelinin on beşinde 1 Kanunisani 99 bir mah müddetle Dersaadet’e gelerek üç yüz bir senesi cemaziyelevvelisinin on altısında 1 Mart 1300 bin doksan iki guruş maaşla mekteb-i idadî-i tıbbiye-i şahane Fransızca muallimliğine tayin olarak şehr-i mezkurun selhinde 15 Mart 1300 vilayet-i müşârûnileyh tercümanlığından ve altı ay sonra mezkur muallimlikten istifa’en münfasıl olup üç yüz iki senesi rebiülevvelinin dokuzunda 15 Kanunievvel 1300 iki yüz guruş maaş ve beş yüz guruş tahsisat ile Batum başşehbenderliği kançılarlığına vekaleten ve şehr-i ramazan-ı şerifinin sekizinde 9 Haziran 1301 bin guruş maaş ve beş yüz guruş tahsisat ile asaleten tayin olunmuş ve işbu şehbenderlik uhdesinde olduğu halde üç yüz üç senesi muharrem’ül-haram selhinden 27 Teşrinievvel 1301 şehr-i şa’ban’ül-muazzamın altısına kadar 28 Nisan 1302 min haysül-mecmû Bin yüz yirmi sekiz guruş on para tahsisatla ilaveten Poti şehbender vekiline vekaleten bi’l-ifa tarih-i mezkûre bir mah müddetle mazuniyyet ita olunduğu halde zilhiccesinin yirmi dokuzuna değin 16 Eylül 1302 mahal-i memuriyeti olan Batum’a avdet etmeyerek terk-i hizmet etmiş ve kançılarlık maaşından yüzde beş olarak bin beş yüz otuz beş ve eyyam-ı müte’ahhire fa’izinden bin dört yüz üç ve Poti şehbender vekaletinden fazla me’hûzi olan bin iki yüz elli guruş yirmi sekiz para ki ceman dört bin yüz seksen sekiz guruş yirmi sekiz para zimmet kalmıştır. Bin üç sekiz735 senesi saferü’l-hayriyenin on dokuzunda 22 Eylül 1306 Adana vilayeti mekteb-i idadîsinin altı yüz guruş maaşla Fransızca ve dört yüz guruş maaşla hikmet ve üç yüz guruş maaşla servet muallimliklerine bittayin üç yüz sekiz senesi 734 BOA, HR.SAİD, No. 4, Gömlek No. 15, 2-1. 735 Arşiv belgesinde tarih, bin üç yüz sekiz olarak yazılması gerekirken sehven bin üç sekiz yazılmıştır.