Hafız Mehmed Necib Efendi

Bin iki yüz altmış yedi sene -i hicriyesinde “sene-i mâliye 1267” Ma’mûretü’l -

’Azîz vilâyeti dâhilinde Çemişgezek kazâsının Şahruh karyesinde tevellüd itmişdir.

Karye-i mezkûre sıbyân mektebinde mukaddemat-ı ‘ulûmu okuduğu ve Türkçe

okur yazar ve Arabca tekellüm ider olduğu terceme-i hâlinde mündericdir.

nakl idilmiş ve idâre -i mezkûreye gelen eşya -yı ticariyenin hilaf -ı nizâm olarak

evvel-emrde adi kağıd üzerine yazılub andan naklen baş kitâbet tarafından mübassır

defterine kayd ve imla olunduğu ve İran’dan Süleymâniye’ye tüccardan birinin celb

eylediği ve tenekeden çıkarılan yüz elli iki ‘aded şal ile kırk top bezden yalnız altmış

beş aded şalın dâhil -i defter idilerek resm -i gümrüğü istiğnâ kılındığı ve yine

tüccardan birinin İran cihet ine nakl itdiği bin yedi yüz kıyye nühasın dahi nısf

raddesinde bir mikdârı deftere geçirildiği ihbârat ve emarat -ı vakı’adan ve fiatının

noksan takdîr idildiği belediyeden alınan mazbata mündericâtından anlaşıldığı ve

ba’zı tüccara aid olub Süleymâniye’den götürülen keçi kılı ile yapağı ve kudret

helvâsı misillü emti’a -i İraniye’nin usul ve nizâmına tevfikan gümrük dâ’iresine

getürilmeksizin ve mu’âyene -i lazımesi îfâ idilmeksizin yükü başına âshâbıyla

uyuşarak gümrük resmini ahz ü istifa eyledikleri ve rüsûm -ı mehûzesi de irâda

geçürmedikleri muhbirin istintâken vâki’ olan takrir ve âshâb -ı eşyanın dahi tasdîkile

berâber idâre me’mûrlarının tevilen ikrar ve itirafları delaletiyle dâhil -i mertebe -i

sübût oldığı Bağdad rüsûmât nezâretinden iş’âr olunması ve ol -bâbdaki evrâk -ı

tahkîkiyyenin dahi gönderilmesi üzerine idâre -i mezkûre heyetinin devâm -i

me’mûriyeti gayr-i câ’iz görülerek üç yüz on üç senesi Şevvâlil -Mükerrem’inin on

beşinde (18 Mart sene 312) mülgâ cemiyet -i rüsûmiye karârıyla azl idilmiş ise de üç

yüz on yedi senesi şehr-i Saferül-Hayr’ının dokuzunda (10 Hazîrân sene 315) şurâ -yı

devlet temyiz mahkemesince cereyan iden muhâkeme neticesinde men' -i

muhâkemesine karâr virilerek ihrâz-ı bera’et itmişdir.

viladeti nüfûs tezkire -i Osmaniyesinin aslından ve müddet varakadaki hidemâtdan

Süleymâniye rüsûmât müdîriyetinden infisâlini icab itdiren esbâbdan berâ’eti şûrâ -yı

devlet temyiz mahkemesinden virilen 9 Safer sene 317 târîhli i’lâmın sûret -i

musaddakasından anlaşılmış ve mezkûr sûret aynen görilerek i’âde idilmişdir.