İstepan Efendi

İstepan Efendi müteveffâ Karabet Ağa'nın oğludur. Teb'a-ı Devlet-i Aliyye'nin Ermenî milletindendir. 1276 (1859) sene-i hicriyyesinde sene-i mâliye 1275 (1858) Karahisar-ı Sâhib Kasabasında tevellüd ettiği nüfûs tezkire-i Osmaniyesinde muharrerdir. Kasaba-i mezkûre Ermenî mekteplerinde Ermenîce ve sûret-i husûsiyede Türkçe okuduğu tercüme-i hâl varakasında mündericdir.

İki sene kadar Karahisar-ı Sâhib Sancağı Arazi Kalemine ve bir müddet livâ-i mezbûr a'şâr idâresine mülâzemetle devâm ettikten sonra 1301 senesi Cemâziye'l-âhiresinin 6'sında (3 Nisan 1884) 21 Mart 1300 (2 Nisan 1884) dörtyüzellikuruş maaşla Aziziye Kazâsı A'şâr ve İğtinâm Baş Kitâbetine tayin olunmuş ve 1303 Şevvalinin 10'unda (12 Temmuz 1886) 30 Haziran 1302 (12 Temmuz 1886) A'şâr İdârelerinin ilkâsından nâşi açığa çıkmışdır. Bu memuriyeti esnasında üç yüz bir senesi emânet a'şârı Afyon ve kökrü bedellerinden Burun Arkaç Karyeli İsa oğlu Nasuh yedinden bin doksan dört ve Sarı Kavak Karyeli Muhtar Mustafa yedinden dörtyüzotuzbuçukkuruş ahz ve ihtilâs ettiği müsellimleri tarafından ihbâr ve iddiâ olunması üzerine kazâ-i mezkûr bidâyet mahkemesince icrâ kılınan tahkîkât ve mahkeme neticesinde harket-i vâkıası derece-i sübûta vâsıl olmakla altı mâh müddetle hapsine ve meblağ-ı mezbûrun maa mesârif-i mahâkime tahsîline 30 Ağustos 1304 (11 Eylül 1888) tarihinde karar verilmiş ise de Karahisar-ı Sâhib Sancağı meclis idâresince istînâfen ru'yet olunan mahkemede i'lâm-ı ibtidâiyyenin feshiyle beyân olunan akçenin ahîran kazâ mâl sandukuna teslîm olunduğu anlaşılmış olmasıyla hukûk-ı hazîneye adem-i taallukuna binâen hukûk-ı umûmî cihetinden berâatine hükmedildiği livâ-i mezkûr meclis idâresinin 16 Mart 1305 (28 Mart 1889) tarihli i'lâmı sûretinden anlaşılmışdır. Ba'dehû dokuz mâh müddetle ve beşyüzkuruş maaşla a'şâr mültezimlerinden İşliyan Efendi'nin kitâbet-i husûsiyyesi ve 1304 Zilhiccesi'nin 25'inden (14 Eylül 1887) 1 Eylül 1303 (13 Eylül 1887) 1305 (1888) senesi Receb'inin

14'üne (27 Mart) kadar 15 Mart 1304 (27 Mart 1888) dörtyüzkuruş maaşla Bolvadin Kazâsı A'şâr Anbar Memurluğu gibi hidemât-ı muvakkatede bulunarak 1307 (1890) senesi Rebiyü'l-evvelinin 2'sinde (22 Şubat 1890) 15 Teşrin-i Evvel 1305 (27 Ekim 1889) ikiyüzkuruş maaşla livâ-i mezkûr bank şu'besi Anbar Emânetine tayin olunduğu halde me'mûriyetinin idârece kabûl olunmamasından nâşi Recebi'nin yirmisinde 28 Şubat 1305 (12 Mart 1890) infikâk idüb şehr-i mezkûrun yirmi yerinde 1 Mart 1306 (13 Mart 1890) (üçyüzkuruş maaşla şu'be-i mezkûre kitâbetine tayin ve 1311 senesi Zilhiccesi'nin 15'inde (19 Haziran 1894) 7 Haziran 1310 (19 Haziran 1894) beşyüzkuruş maaşla Karahisar-ı Sâhib şubesi memur muâvinliğine tahvîl edilmiş ve şubenin teftişi neticesinde azl edilen şube me'mûr-ı sâbıkının bir buçuk zimem ve ihtilâsât ve yolsuzluk ifrâzât vesâir bu mekûle sû-i isti'mâlâtı tebeyyün edib me'mûrun bu gibi ahvâlini bilmesi lâzım geldiği halde merciine haber vermemesinden nâşi üç yüz on üç senesi Ramazan'ının on beşinde 17 Şubat 1311 (29 Şubat 1896) azl olunmuş tahlîsı bil-icrâ beşyüzkuruş maaşla Akhisar Kazâsı Ziraat Bankası Sanduku Muhâsebe Kitâbetine tayin ve 1319 senesi Cemâziye'l-âhiresinin 17'sinde (1 Ekim 1901) 18 Eylül 1318 (1 Ekim 1902) altıyüzellikuruş maaşla Uşak Kazâsı Bank Sandığı Muhâsebe Kitâbetine tahvîl olunarak îfâ-yı vazîfeye mübâşeret eylemiş ve sâlifü'z-zikr Karahisar Şu'besi kitâbetiyle me'mûr muâvinliğinde bulunduğu esnâda 1310 senesi Cemâziye'l-âhiresinin 27'sinden (16 Ocak 1893) 4 Kanun-ı Sani 1308 (16 Ocak 1893) Şevvalinin yirmi sekizine kadar 3 Mayıs 1309 (15 Mayıs 1893) yüzyirmikuruş humus maaşla Sandıklı ve 1312 senesi Şevvalinin 9'undan (15 Nisan 1895) 23 Mart 1311 (4 Nisan 1895) 1313 senesi Muharrem'inin 8'ine (1 Temmuz 1895) kadar 19 Haziran 1311 (1 Temmuz 1895) yüzaltmışaltıkuruş sülüs maaşla Aziziye Kazâları Muhâsebe Kitâbeti vekâletlerinde bulunmuşdur. Hademât-ı sâbıkasında müddet-i istihdâm ve mikdâr-ı maaş ve esbâb-ı infikâk ve berâat-i zimmeti hâvi Aziziye ve Bolvadin Kazâlarıyla Karahisar-ı Sâhib Sancağı Meclis İdârelerinin 27 Haziran 1302 (9 Temmuz 1886) ve 15 Mart 1304 (27 Mart 1888) ve 12 Eylül 1307 ( 24 Eylül 1891) ve Karahisar-ı Sâhib ziraât Bankası şubesiyle Aziziye ve Sandıklı ve Akhisar Bank Sandığı meclis idarelerinin 1 Temmuz 1307 (13 Temmuz 1891) ve 14 Ağustos 1319 (27 Ağustos 1903) ve 20 Haziran 1321 (3 Temmuz 1905) ve 4 Mayıs 1309 (16 Mayıs 1893) ve 7 Eylül 1317 (20 Eylül 1901) tarihli mazbataları ve Karahisar-ı Sâhib Sancağı muhâsebesiyle Defter-i Hâkân-î idâresinin 1 Temmuz 1307 (13 Temmuz 1891) tarihli derkenarları ve livâ-i mezkûr meclis idâresinin i'lâmı ve nüfûs tezkire-i Osmâniyesi sûret-i musaddakası ve livâ Zirâat Bankası şu'besi meclis idâresinin 11 Kanun-ı Evvel