Mehmed Mazhar Bey

4.1.52.Poti (Faş) Şehbender Vekili Mehmed Mazhar Bey661 Mehmed Mazhar Bey ziraatten müteveffi Mehmed Rasim Bey’in oğludur. Bin iki yüz seksen altı sene-i hicriyesinde (sene-i maliye 1288) Dersaadet’te tevellüt eylediği nüfus-ı tezkire-i Osmanîyyesine muharrirdir. Mukaddemat-ı ulum-ı diniyyeyi suret-i hususiyede tahsil ettikten sonra mekteb-i sultanîde tarih ve coğrafya ve ilm-i hikmet ve hendesi ve cebir ve usul-u defteri ve resim dersleri görmüştür. Türkçe ve Fransızca tekellüm ve kitabet eder Bin üç yüz dört senesi zilkadesinin yirmi dördünde (1 Ağustos 303) iki yüz guruş maaşla Dersaadet’ten mekteb-i idadîyesi hatt-ı Fransevi muallimliğine tayin ve üç yüz beş senesi rebiülevvelinin beşinde (9 Teşrinisani 303) maaşı üç yüz guruş iblağ edilmiş ve üç yüz altı sene-i cemaziyelahiresinin on ikisinde (1 Şubat 1304) iki yüz guruş maaşla hamidiye ticaret mektebi hatt-ı Fransevi muallimliğine tahvil ve maaş-ı mezkur yine o tarihten itibaren yüz otuz dört guruş tenzil zilhiccesinin on altısında (1 Ağustos 305) mezkur maaş-ı umum sırasında kat’ olunmuş şehr-i mezkûrun yirmisinde (5 Ağustos 305) dört yüz guruş maaşla idare-i mahsus tercüme kalemi müdür muavinliğine ve bin üç yüz yedi senesi saferinin dördünde (18 Eylül 305) üç yüz guruş maaşla ilaveten dilsiz mektebi hüsn-ü hatt-ı terki ve Fransevi muallimliğine bittayin üç yüz dokuz senesi safer’ül-hayrının beşinde (1 Eylül 307) âmâ kısmı Türkçe muallimliğinin infisâlıyla maaşı dört yüz elli guruşa iblağ edilmiştir ve bin üç yüz on iki senesi rebiülahirinin on sekizinde (6 Teşrinievvel 310) yine ilaveten ve mülazemeten hariciye nezaret-i celilesi umur-ı şehbenderi kalemi halifeliğine tayin edilmiştir. İdare-i mahsusa nezaretine yazılan mülahazada erbab-ı istikamet ve dirayetten olduğu tevdi olunan umur-ı ve fetva-i alisi dairesinde ifa eylediği tasdik kılınmıştır. Ber-munval-i muharrer memaliklerde müddet-i istihdam ve maaşında zayim ve tenzil tarihleriyle kemmiyyeti istid’anamesi zahirine muharrir maarif nezareti celilesi muhasebesinin 26 Teşrinievvel 311 ve memuriyet-i hazıresi olan mir-i müdür muavinliğine tarih-i tayin ve maaş miktarı tercüme-i hali zirine muharrir idare-i mahsus nezaretinin 31 Teşrinievvel 311 tarihli ve umur-ı şehbenderi halifeliğine tarih-i tayini hariciye nezareti sicill-i ahvâl şubesinin mezkûre-i cevabiyesinde ve tarih ve mahal-i veladeti nüfus-ı tezkire-i Osmanîyyesinde görülmüştür. 661 BOA, HR.SAİD, No. 22, Gömlek No. 13, 8-9.

188 Kars şehbender vekili ve kançıları refa’atli Mazhar Bey’in tercüme-i haline zeyldir Mûmâileyh mazunen Dersaadet’te bulunduğu halde mahal-i memuriyetine azimetten istinkâf etmekte olunmasına mebni ileride diğer bir memuriyete tayin olunmak üzere üç yüz on altı senesi recebinin yirmisinde (22 Teşrinisani 314) mezkûr vekalet ve kançılarlıktan azledilmiştir. Mûmâileyh üç yüz on yedi senesi rebiülahirinin yirmi beşinde (20 Ağustos 315) dokuz yüz guruş maaş ve dokuz yüz guruş tahsisat ile Poti şehbenderliğine vekaleten ve sene-i merkûme zilhiccesinin beşinde (23 Mart 316) yine ol-miktar maaş ve tahsisat ile mezkûr şehbenderlik unvanı vekalette bittahvil Poti şehbender vekaletine asaleten tayin ve bin üç yüz yirmi senesi muharreminin yirmi ikisinde uhdesine rütbe-i salise ve ikinci rütbeden mecidi nişân-ı âli Osmanî tevcih ve ihsan buyrulmuştur.