Danyal Saib Bey

4.2.22.Kars Şehbenderi Danyal Saib716 Danyal Saib Bey manifatura tüccarından müteveffa Osman Efendi’nin mahdumudur. Bin iki yüz altmış dokuz senesi muharreminin beşinci günü Dersaadet’te tevellüt etmiştir. Sıbyan ve rüşdiye mekteplerinde ve mahrec-i aklamda ve ba’de idadîye ve harbiye mekteplerinde tahsil-i ulum eylemiştir Türkçe ve Fransızca ve Rumca kitabet eder Arabi ve Farsiye aşinadır. Rus lisanının tahsili için olunduruk(?) usulünde ma miftah bir kitab telif eylemiş ise de henüz tab’ ve neşredilmemiştir. Bin iki yüz doksan senesinde yirmi yaşında olduğu halde mezkur mekteb-i fünun-ı harbiyede ikmal-i tahsil ve erkan-ı harbiye yüzbaşılığı rütbesini ihraz ederek müteakiben Petersburg süvari ve topçu alayı mekteblerine izam ve doksan dört senesi muharreminin erkan-ı mezkûra kol ağalığı rütbesiyle Petersburg Sefareti seniyyesi ataşemiliterliğine tayin olunarak muahharen Rusya Devletiyle muharebe ilanında heyet-i sefaretle beraber Dersaadet’e avdet ve sene-i merkûme cemaziyelevvelisinde Anadolu harb ordu-yı hümayununa memuriyetle sene-i merkûme şa’banında dördüncü rütbeden bir kıta mecidi nişânıyla umum-i iftihar madalyasına ve Rusya muharebesi madalyasına nail olmuş ve rütbesi sene-i mezkûre şehr-i şevvalinde erkan-ı mezura binbaşılığına terfi ve mütarik esnasında yani doksan beş senesi saferinin ikinci murahhas sıfatıyla Rusya ordugahı olan Hasan Kalesi’ne izam olunmuş ve Erzurum’un tahliyesinde Erzurum’a gelerek hatt-ı mütarekeye ba’de’l-tayin mezkur ordu-yı hümayun olan Erzincan’a avdet ve sene-i merkûme cemaziyelahiresinde tensikat-ı cedide askeriye mûcibince erkan-ı harbiye dairesinin Girit ıslahatına memur olan ve devletli Muhtar Paşa hazretleri maiyetiyle mahal-i mezkûre azimet ve ba’de yine müşârûnileyh maiyeti ve başkaca yirmi beş altun maaş ile Yunan hudud komisyonuna tahvil-i memuriyet etmiş ve oraca dahi ikmal-i vazife ile Yanya Fırka-i askeriyesine ve oradan üçüncü ordu-yı hümayun merkezine azimetle bir sene kadar dahi ordu-yı hümayun mezkûr erkan-ı harbiyesi riyasetine icra-yı vekalet ederek doksan altı senesinde Arnavutluk ıslahatına memur olan üçüncü ordu-yı hümayun müşiri maiyeti ile Üsküp ve Piriştine ve Prizren ve İpek ve Yakova cihetlerini geşt ü güzarla doksan yedi senesinde sab-ı seraskeride erkan-ı harbiye dairesinin konak ve menzil şubesine ve beş mah mürurunda hassa ordu-yı hümayunu süvari birinci fırkasının erkan-ı harbiyesi riyasetine ve doksan sekiz senesi evasıtında Rumeli’nin mahal-i muhtelifesinde medfun olan Rus askerinin medfenlerini keşf ile kemiklerini bir mahalle cem’ hizmetiyle ol havaliye gönderilen Rusya mir alayı kalyonunun başkaca iki bin beş yüz guruş maaş ile refakate memur olarak ve bir müddet dahi Cisir Mustafa Paşa ve Edirne ve ? Dedeağaç ve Kırkağaç ve Gelibolu ve Tekfurdağı havalisini dolaşarak yine memuriyet-i asliyesine avdet ve doksan dokuz senesi eva’ilinde ordu-yı hümayun mezkûr müşiri devletlü Rauf Paşa hazretleri maiyyetiyle Rusya imparatoru üçüncü Aleksandır hazretlerinin cülûsuna tebrik eylemek üzere Petersburg’a azimet edip devlet-i müşarûnilyehenin ikinci rütbeden sent istanislas ihraz ederek Dersaadet’e gelip sene-i merkûme şaha Rami 716 BOA, HR.SAİD, No. 1, Gömlek No. 17, 2/1-2/2.

238 çiftlik-i hümayunu Bosna ve Şemni muhacirlerine ihsan buyrulmakla meskenlerinin tayinine ve üç yüz bir senesi eva’ilinde hudud-u İraniyenin tahviliyle hudud haritasının ahzına memur olup b’de yine hassa-i erkan-i harbiyesine nakil ederek üç yüz iki senesi saferinin on beşinde iki bin guruş maaş ve beş yüz guruş tahsisat ile Kars şehbenderliğine tayin buyrulmuştur. Hizmet-i mezkûreden terakki ve nakil ve hıtam ve ikmal suretleriyle infikâk ederek vezaif-i mezkûresinden dolayı taht-ı muhakemeye alınmamış müttehim olmamıştır. Umum-i erkan-ı harbiye-i riyasetinden ve hariciye nezareti celilesi umur-ı şehbenderi müdüriyetinden yazılan mülahazalardan işbu varaka-i mündericatı ve mûmâileyhin elyevm Kars şehbenderi bulunduğu tasdik olunmuştur.