Hüseyin Sabri Bey

4.1.60.Tebriz Başşehbenderi Hüseyin Sabri Bey671 Hüseyin Sabri Bey ikinci ordu-yı hümayun muavenat-ı askeriye komisyonu reisi binbaşı ri’fatlü Said Bey’in mahdumudur ve Babanhanedanına mensuptur. Bin iki yüz doksan sekiz sene-i hicriyesinde sene-i maliye 1297 Dersaadet’te tevellüt ettiği nüfus-ı tezkire-i Osmanîyye suret-i musaddakasında muharridir. Edirne mekteb-i idadî-i mülkiyesinde beşinci senesine kadar tahsilde iken esbab-ı sıhıyyesine mebni mektebi terk ile suret-i hususide tahsil ettiği ve Türkçe ve Fransızca tekellüm ve kitabet eylediği tercüme-i halinde muharrirdir. Bin üç yüz on dört senesi şevvalinin on üçünde (5 Mart 313) mülazemetle bâb-ı âli tercüme odasına memur olarak üç yüz on yedi senesi ramazanının yirmi ikisinde uhdesine rabi’a ve üç yüz on dokuz senesi rebiülahirinin on dokuzunda terfi’an salise rütbeleri tevcih buyrulmuştur. Divan-ı hümayun tercümanlığından yazılan mülahazada tercüme-i halinin kaleme ait ciheti tasdik olunmuştur. Nüfus-ı tezkire-i Osmanîyyesinin suret-i musaddakası tercüme-i hal varakasıyla mahfûz olup mezkûre rütbelerin tarih-i tevcihleri kayda muvaffık bulunmuştur. 670 Taygan. BOA, HR.SAİD, No. 12, Gömlek No. 15, 3-2. 671 BOA, HR.SAİD, No. 10, Gömlek No. 11, 3-1.