Mehmed Nureddin Bey

4.1.58.Şire Başşehbenderi Mehmed Nureddin Bey669 Mehmed Nureddin Bey Arnavutluk hanedanından İzmit Sancağı mutasarrıfı saadetli Kazım Bey Efendi’nin mahdumudur. Bin iki yüz doksan altı sene-i hicriyesinde (sene-i maliye 295) Yanya velayetinde Preveze kazasında tevellüt etmiştir. Ulum-ı ibtidaîye muallim-i mahsusadan tedris eyledikten sonra Türkçe ve

196 Fransızcadan üçüncü sınıfa kadar mekteb-i sultanîde tahsil ederek tasdikname almıştır. Türkçe ve Fransızca okuryazar ve Arnavutça ve Rumca biliyor. Bin üç yüz on üç senesi şehr-i ramazan-ı şerifinin on birinde (12 Şubat 311) on yedi yaşında iken mülazemetle hariciye nezareti celilesi umur-ı şehbenderi kalemine dâhil olmuştur. Umur-ı Şehbenderi Müdüriyetinden yazılan mülahazada tercüme-i halinin kaleme ait mündericatı tasdik olunmuştur. Mekteb-i sultanî tasdiknamesi ile tezkire-i Osmanîyyesinin suret-i musaddakaları tercüme-i hali varakasıyla mahfûzdur. Şire başşşehbenderi izzetlü Mehmed Nureddin Bey’in umur-ı şehbenderi kalemi halifesinden iken 31 Teşrinievvel 312 de gönderilen tercüme-i haline zeyldir Mir-i mûmâileyhin maaşı sene-i merkûme şehr-i şevval-i şerifinin dokuzunda (1 Mart 313) öşürünün tecili ile dokuz yüz guruşa tenzil etmiş ve üç yüz on beş senesi saferinin yirmi yedisinde uhdesine müceddeden rütbe-i salise tevcih buyrulmuştur. Mir-i mûmâileyh sene-i merkûme cemaziyelahiresinin on yedisinde (1 Teşrinisani 313) dokuz yüz guruş maaş ve dokuz yüz guruş tahsisat ile Hocabey şehbender vekaleti ile kançılarlığına nakil olunmuştur. Mir-i mûmâileyh sene-i merkûme ramazanının sekizinde (17 Kanunievvel 316) bin yedi yüz on guruş maaş ve becayiş suretiyle Peşte başşehbenderhanesi şehbender vekaleti ve kançılarlığına tahvil-i memuriyet etmiştir. Mir-i mûmâileyh üç yüz on dokuz senesi saferinin yirmi yedisinde tebdilen üçüncü rütbeden nişân-i âli Osmanî ihsan buyrulmuştur. Mir-i mûmâileyh sene-i merkûmi rebiülahirinin yirmi üçünde (29 Temmuz 317) bin sekiz yüz guruş maaş ve beş yüz guruş tahsisat ile Sivastopol şehbenderliğine nakil olunmuştur. Mir-i mûmâileh uhdesine sene-i mezbûre recebinin on sekizinde terfi’an rütbe-i saniye sınıf-ı sanisi tevcih buyrulmuştur. Mir-i mûmâileyh Rusya devleti tarafından ita olunan üçüncü rütbe sent istanislas nişânının kabul ve lede’l-icab talik-i hususuna sene-i merkûme ramazasının on birinde irade-i seniyye-i cenab-i hilâfetpenâhi şeref-sâdır buyrulmuştur. Mir-i mûmâileyh bin üç yüz yirmi bir senesi muharreminin on yedisinde tebdilen ikinci rütbeden mecidi nişân-ı zişânı ihsan buyrulmuştur. İfa-yı farizeyi Hacı Şerif için Rusya memleketinden cenab-ı eşref Hicaza azimet etmek üzere Sivastopol’den mürur eden hüccac Müsliminden Hicaz demiryolu ianesi namıyla mûmâileyh Nureddin Bey tarafın yedi ruble beşer kapik

197 ahzedilmiş olduğu ihbar olunmasından naşi ba-irade-i seniyye-i padişahî taht-ı istintak ve muhakemeye alınarak şura-yı devlet-i heyet-i ittihâmiyyesinden men-i muhakemesini mutazammın verilen mazbata mahkeme-i temyizce nakz edilmiş ve heyet-i mezkûre cenabından ikinci defa olarak tanzim olunan mazbata-ı hazine-i celile de’âvî vekili tarafından temyiz olunmuş olduğundan ve mahkeme-i temyizce icra kılınan tedkikat üzerine dahi mazbata-ı mezkûrenin nakz ve tasdiki hususlarında tesâvî-i ârâ husûl geldiğinden keyfiyetin heyet-i umumiyye-i temyizide tadkikine karar verilmekle tedkikat temyiziyye lede’l-icra mazbata-ı ahirede bazı tahkikat-ı icrası zımmında mahkeme-i temyizce mazbata nakz edilmiş ise de bu babdaki hükm-ü irade-i seniyye-i cenab-ı hilâfetpenâhi mûmâileyh hakkında der-meyan olunan mevadi tahkiki halinde muhakemesinin icrası merkezinde bulunduğundan … hariciye nezaretince ve ba’de şura-yı devlet-i mustantıklığınca icra kılınan tahkikat neticesinde da’î mesuliyet bir hali tahkik etmemiş ve Sivastopol’den mürur eden hüccacın sevkine Rusya hükûmeti tarafından memur edilen Sivastopol kazî ve müfettişi Mehmed Zakir ve karantina memuru Abdullah Efendiyle marifetiyle ihtiyârî olamayacağı olunan ve mikdarı iki yüz Osmanlı altunundan ibaret olan ianenin kemilen komisyon-ı aliye teslim olunduğu makrûz-ı ali ve haberleriyle müsebbet olması cihetle mahkeme-i temyizin taleb eylediği tahkikatın ilerisine gidilmek mevki’an ve maslahaten kabul görülemediğine karar verildiği muharrir olarak? temyiz müdde-i umumiliğinden verilen mütalaanamede heyet-i ittihâmiyyelerin karar edilde ısrar etmelerine müsag-ı kanuni olmadığından bittahkikat karar-ı evvelde ısrarı mutazammın olan matbata-i ahirenin nakzı lüzum güsterilmiş ise de mahkeme-i temyizin nakz-ı vaki vecihle heyet-i ittihâmiyyece ikmal-i tahkikate imkan bulunamaması hasebiyle tahkikatin ilerisine gidilmek kabil olamadığı ve beyan olunan adem-i imkan karar-ı mezkûre ısrar etmeyip tasvir-i hakikatten ibaret bulunduğu anlaşılmış olduğundan mütalaa-ı mezkûre gayr-i varid olduğuna ve binaenaliyye Nureddin Bey’in lüzum-ı muhakemesine mü’eyyed-i sübûte mevcud bulunmadığına mebni temyiz istid’asının reddiyle heyet-i ittihamiyye mazbata-ı ahiresinin tasdikine ekseriyetle karar verildiği 24 Haziran 320 tarihli ve 633 numaralı buyruldu-ı sami-i cenab-ı sadaretpenahî ile tebliğ buyrulmuştur. Mûmâileyh üç yüz yirmi iki senesi cemaziyelevvelisinin yirmi beşinde (26 Temmuz 32) bin sekiz yüz guruş maaş ve becayiş suretiyle bâb-ı âli istişare odası muavinliğine memur buyrulmuştur. Mir-i mûmâileyh bin üç yüz yirmi beş senesi cemaziyelevvelisinin on beşinde (13 Haziran 323) bin sekiz yüz guruş maaş ve dokuz yüz guruş tahsisat ve becayiş ile şire başşehbenderliğine tayin buyrulmuştur. Mir-i mûmâileyh uhdesine sene-i merkûme cemaziyelahiresinin beşinde terfi’an rütbe-i sani sınıf-ı mütemeyyizi tevcih buyrulmuştur.