Dakes Efendi

4.2.1.Ajaccio Başşehbenderi Dakes Efendi693 Dakes Efendi sarraf Daniel Efendi’nin oğludur. Bin iki yüz altmış altı sene-i hicriyesinde Dersaadet’te tevellüt etmiştir. Muallim-i mahsusadan Türkçe ve Fransızca ve Ermeniceye ve mukaddemat-ı fünun-ı riyaziye ve tabi’iyye ve tarihiyyeyi ve ilm-i tedbir-i servet mebadisiyle hukuk beynelmilel kava’idini tahsil etmiştir. Fransızca ve İtalyanca ve Rumca ve Ermenice ve biraz Almanca tekellüm ve Fransızca kitabet ederek Türkçe dahi okur-yazar. Bin iki yüz seksen dört sene-i hicriyesinde on sekiz yaşında olduğu halde hariciye nezareti celilesi matbu’at kalemine mülazemet suretiyle duhul ve ba’de tahrirat-ı hariciye odasına nakil ile seksen sekiz tarihinde uhdesine rütbe-i salise tevcih ve yedi yüz elli guruş maaş ile Ragusa beşşehbenderliği kançılarlığına tayin 693 BOA, HR.SAİD, No. 20, Gömlek No. 32, 8.

216 olup iki defa birer müddet başşehbenderlik vekaletinde bulunduğu mesellü bin iki yüz seksen dokuz senesi evasıtında yine ol-miktar maaş ile Korfu başşehbenderliği kançılarlığına tahvil-i memuriyet ederek burada dahi altı ay müddet mezkûr başşehbenderlik vekaletinde istihdam olunmuş ve bin iki yüz doksan senesinde varidatıyla idare olunmak üzere Zenta şehbender vekaletine infisâl ve dört mah mürurunda istifa’en infisâl ile bin iki yüz doksan bir sene-i hicriyesinde bin beş yüz guruş maaş ile Tuna ticaret nezareti muavinliği kendisine tahdifi? ve bu esnada uhdesine dördüncü rütbeden mecidi nişânı ihsan buyrularak bin iki yüz doksan iki senesinde fevkalade merhusu tayin buyrulan devletli Serdar Paşa hazretlerinin maiyeti Fransızca küttabı dört bin guruş maaş ile Hersek cihetine izam ve beş ay sonra fevkalade murahhassı ve vali sıfatıyla tayin buyrulan devletli Ali Paşa hazretlerinin maiyetine nakil ile teşekkül olunan politika müdürlüğü vezaifi dahi ilaveten memuriyet edilmiş ve bu sırada rütbe-i saniyeyi ihraz ve bir sene hitamında istifa ile Dersaadet’te avdet edip altı mah gezaranında hane icrası dâhil olmak üzere yirmi lira maaş ile Temeşvar şehbenderliğine ve bir sene mürurunda mezkur şehbenderlik uhdesinde kalmak ve maaş-ı halisinden ma’ada otuz lira maaş almak üzere Anadolu tahdid-i hudud komisyonunun ikinci şubesi kitabetine tayin ve müteveffa Safvet Paşa tarafından kendisine bir memuriyet-i mahremanı dahi tevdi olunarak bu esnada rütbesi sanise sınıf-ı mütemeyyizine terfi buyrulmuş ve altı ay kadar geçtikten sonra komisyonla beraber Dersaadet’e gelip otuz lira maaş ile Karadağ tahdid-i hudud-ı muhtelit komisyonu kitabetine tayin olunmuş ise de mazeret-i vücudiye sebebeyli istifa ederek müteakiben yirmi beş lira maaş ile Niş başşehbenderliğine memur ve hizmet-i vakı’sına mükafaten dördüncü rütbeden Osmanîye nişân-ı zişanı ihsan buyrulup sekiz ay mürurunda yine başşehbenderlik sıfatıyla Yergöğü azimet ve üç sene ifa-yı memuriyet edip ba’de yedi bin iki yüz guruş maaş ile Karadağ cihetinde bulunan emlak-ı vakfiye ve emiriyye komisyonluğuna tayin kılınmış ve bu sırada altı mah kadar Çetene sefareti seniyyesi maslahatgüzarlığına dahi idare ve ahiren yine komiserlik uhdesinde olmak üzere Podgorica’da muhaciret için teşekkül eden muhtelit komisyonu taraf-ı saltanat-ı seniyyeden memuren devam ederek bin üç yüz senesi saferinin yirmi beşinde mezkur komiserliğin lağvı cihetle açıkta kalmış ve Hersek’te bulunduğu esnada bir kıta umum-ı muharebe madalyasını almış ve Temeşvar şehbenderliği esnasında Avusturya devletinin franz josehp nişânının dördüncü rütbesinden bir kıtası ve Korfu şehbenderhanesi kançılarlığında iken Yunan devletinin sover nişânının üçüncü rütbesinden bir kıtası kendisine verildiği gibi ihbaren yani bin üç yüz üç senesi cemaziyelevvelisinin on yedisinde tebdilen üçüncü rütbe mecidiye nişân-ı zişânı ihsanıyla tatbik buyrulmuştur. Şimdiye kadar bulunduğu memuriyetlerden infikâkı tahvil ve terfi suretleri ve hatim ve lağv sebepleriyle vuku’a gelip umur-ı memuresinden naşi taht-ı muhakemeye alınmamış ve müttehim olmamıştır. Hariciye sicil idaresinden tezbîr olunan mülahazada mûmâileyhin Karadağ emlak-ı vakfiye ve emiriyye komiserliğinde bulunduğu temennik olunmuş ve mülahaza-i mezûkre hariciye nezareti celilesinden dahi tasdik buyrulmuştur. Mûmâileyh Dakes Efendi bin üç yüz

217 üç senesi cemaziyelahiresinin on altısına müsâdif bin üç yüz iki senesi zilhiccesinin yirmisinde İran devleti tarafından şir-ü hurşid nişânının ikinci rütbesinden bir kıta verilip bin üç yüz dört senesi rebiülevvelinin üçünde vaki bin üç yüz iki senesi teşrinisanisinin on sekizinde üç bin guruş maaş ve beş yüz guruş tahsisat ve becayiş sureti ile Napoli başşehbenderliğine nakledilmiştir. Efendi-i mûmâileyhin memuriyeti bin üç yüz dört senesi cemaziyelevvelisinin dokuzunda üç bin guruş maaş ve yedi yüz elli guruş tahsisat ile Atina ve Pire başşehbenderliğine tahvil olunmuştur.