Yusuf Ziya Bey

4.1.43.Malta Başşehbenderi Yusuf Ziya Bey651 Yusuf Ziya Bey umum-i telgraf ve posta başmüdürü müteveffi Mahmud Aziz Efendi’nin mahdumudur. Bin iki yüz seksen dört senesi muharrem’ül-haramında Dersaadet’te tevellüt etmiştir. Sıbyan mektebinde mukaddime ilmi ve bir müddet Rumeli Hisarı’nda robert koleji nam Amerikan mektebinde ve ba’de dördüncü sınıfa kadar mekteb-i sultanîde tahsil ile mekteb-i sultanîden tasdikname almıştır. Arabi ve Farsiye aşınadır Türkçe ve Fransızca ve İngilizce tekellüm ve kitabet eder. Bin üç yüz on senesi rebiülahirinin on sekizinde (1 Kanunisani 302) yirmi yaşında iken mülazemetle tahrirat-ı hariciye kalemine dâhil ve bin üç yüz dokuz senesi saferül-hayrının yirmi yedisinde (19 Eylül 307) yüz guruş maaşa nail olup sene-i mezkûre rebiülahirinin on sekizinde (8 Teşrinisani 307) bin guruş maaş ve beş yüz guruş tahsisat ile Atina ve Pire başşehbenderhanesi kançılarlığına inzimamıyla mahall-i mezkûr şehbender vekaletine tayin buyrulmuştur. Tahrirat-ı hariciye kitabetine mir-i mûmâileyhin kalem-i mezkûre ait ifadatı tasdik olunmuştur. Mekteb-i sultanî tasdiknamesi suret-i musaddakası tercüme-i hal varakasına merbut bulunmuş ve hizmet-i mezkûreye tarih-i tayiniyle miktar-ı maaşı hariciye nezareti celilesi sicill-i ahvâl şubesi müdüriyetinde mezkûre cevabiyyesine tatbik olunmuştur. Zeyl Mûmâileyh vazife-i memuriyetine hüsn-ü ifa etmekte olması cihetiyle bin üç yüz on senesi cemaziyelevvelisi gurresinde beşinci rütbeden mecidiye nişân-ı zişânı ihsan buyrulmuştur. Mûmâileyh bin üç yüz on bir senesi muharrem’ül-haramının on üçünde (15 Temmuz 1309) iki bin guruş maşa ve bin guruş tahsisat ile Sinne şehbender vekaletine nakil olunmuştur. 651 BOA, HR.SAİD, No. 11, Gömlek No. 1, 4-3-2.

180 Mûmâileyh sene-i merkûme zilkadesinin ikisinde (25 Nisan 1310) bin guruş ve bin guruş tahsisat ve becayiş suretiyle Kerç şehbender vekaletine nakil olunmuştur. Mûmâileyh bin üç yüz on üç senesi şehr-i safer’ül-hayrının yirmi beşinde “4 Ağustos 311” iki bin guruş maaş ve beş yüz guruş tahsisat ile Sivastopol şehbender vekaletine nakil olunmuştur. Mûmâileyh vazifesi hüsn-ü ifada akdem ve mesa’isine mebni sene-i merkûme zilkadesinin beşinde rütbe-i salise tevcih buyrulmuştur. Mûmâileyhin maaşı bin üç yüz on dört senesi şevvalinin dokuzunda (1 Mart 313) öşür teciliyle bin guruş tenzil edilmiştir. Mûmâileyh hariciye nezareti celile müsteşarı ve memuriyet-i mülkiye komisyonun kararı üzerine ve bi’l-istizan şeref-sâdır buyrulan irade-i seniyye hazret-i padişahî mûcibince bin üç yüz on altı senesi saferinin on dördünde (22 Haziran 314) bin sekiz yüz guruş maaş ve beş yüz guruş tahsisatla Yenişehir şehbenderliğine nakil buyrulmuştur. Mûmâileyh mahall-i ab ve havasıyla imtizaç edemeyerek iklim-i mute’dil bir şehbenderliğe tahvilini ihtid’a etmesine mebni hariciye nezareti celilesinden vuku bulan iş’ar ve memuriyet-i mülkiye komisyonundan verilen karar üzerine ve bi’l-istizan şeref-sâdır olan irade-i seniyye-i hazret-i hilâfetpenâhi mûcibince bin üç yüz on yedi senesi rebiülahirinin on ikisinde (7 Ağustos 315) maaş-ı haliyesi ve becayiş suretiyle İtalya’da İspizya652 şehbenderliğine nakledilmiştir. Mûmâileyh ehliyet ve keyfiyeti cihetle nezaret-i müşârûnileyhden vaki olan iş’ar ve memuriyet-i mülkiye komisyonundan verilen karar üzerine ve bi’l-istizan şeref-sâdır olan irade-i seniyye-i hazret-i padişahî mûcibince sene-i merkûme şevvalinin yirmi beşinde (13 Şubat 315) iki bin yedi yüz guruş maaş ve bin üç yüz guruş tahsisat ile Tiflis başşehbenderliğine nakledilmiştir. Mûmâileyh vezaif-i memuriyetine hüsn-ü ifada müşahed olan mesa’i memduhasına mebni sene-i mezkûre zilkadesinin on dördünde üçüncü rütbeden mecidi nişân-ı zişanı ihsan buyrulmuştur. Mûmâileyh vezaif-i memuriyetine hüsn-ü ifada müşahed olan mesa’i memduhasına mebni sene-i mezkûre zilkadesinin on dördünde üçüncü rütbeden mecidi nişân-ı zişânı ihsan buyrulmuştur. Mûmâileyh vezaif-i memuriyetini hüsn-ü ifada müşahed olan ikdam ve gayretine mebni bin üç yüz on sekiz senesi muharreminin yirmi sekizinde terfi’an rütbe-i saniye sınıf-ı sanisi tevcih buyrulmuştur. Mûmâileyh Yunan hükûmeti tarafından ita olunan dördüncü rütbeden (sover) nişânının kabul ve lede’l-icab taliki hususuna bi’l-istizan bin üç yüz on dokuz senesi saferinin on sekizinde müsa’ade-i seniyye erzân buyrulmuştur. 652 La Spezia.