Hüseyin Hüsnü Efendi

Legal records

Legal record note as worded

Görev ihmali / üç yüz on üç senesi şehr-i Muharremü'l-haramının yirmi dördünde 5 Temmuz sene 1311 hakkında teaddüd ve tekerrür eden şikayata lahika olarak telgrafhaneden nöbetini terkle savuştuğundan açığa çıkarılmış; Saldırı / üç yüz on bir senesi şehr-i Muharremü'l-haramı selhinde 2 Ağustos sene 1309 Serkiz'in Çavuşu'na rovelver endaht etmesinden dolayı azledilip; Zimmet / 1314 tebeyyün eden ahvâl-i kanuniyesine binaen azli bildirilmiş ise de mumaileyh Memuriyet-i mezkurede iken kırk paralık pul ilsakı lazım gelen mekatibe sahilden gönderilmiş gibi yirmişer paralık pul vaz‘ ederek vazife-i memuriyetini suistimal etmesinden dolayı Adana Vilayeti Telgraf ve Posta Başmüdüriyeti'nce icra kılınan tahkikat muhakkık-ı mahsus tarafından dahi teyit ve Şura-yı Devlet Riyaset-i Celilesi'nce icra ettirilen tahkikat üzerine riyaset-i müşarünileyhadan varit olan on yedi numara ve fi 29 Nisan sene 1314 tarihli tezkirede dahi iş bu hareketi mucib-i mesuliyet-i şedide olup hakkında mücazat-ı kanuni icrası lüzumu beyan olunmasından naşi idareten azledilmiş ve muahharan bu maddeden dolayı mahallince aleyhine ikame-i dava olunarak yarım lira ceza-yı nakdi itasıyla mahkum olduğu Şevvalinin üçünde 2 Şubat sene 1314 yine maaşıyla Vilayet-i müşarünileyhada Karataş Telgraf ve Posta Merkezi Müdüriyeti'ne bi't-tayin vazifesini suistimal eylemesinden dolayı taht-ı isticvaba alındığından bin üç yüz on yedi senesi Zilkadesinin on üçünde 1 Mart sene 1316 işten el çektirilerek üç kuruşluk pul ilsakı lazım gelen bir mektuba altmış paralık yapıştırdığı tahakkuk etmekle nezaret Meclis-i İdaresi'nin 23 Nisan sene 1317 tarihli kararıyla iki misli tazminat alınarak tevbih edilmiş ve Karataş Telgrafhanesi'ne yazılan telgrafnameler mealini ifşa ve mektuplardan fazla ücret ve mevrut mekatibi ashabına vermekte olduğu mahalli tüccaranı tarafından olunan şikayat ve mensup olduğu Adana Vilayeti Telgraf ve Posta Başmüdürlüğü'nün iş‘arı ve kefili dahi istifa ederek oradan dört mah mürur ettiği halde tecdid-i kefalet edememesi üzerine devam-ı memuriyeti gayr-ı caiz görülerek İntihab-ı Memurin Komisyonu'nun 12 Teşrinievvel sene 1318 tarihli kararıyla açığa çıkarılmış ve ahiren icra olunan tahkikat ve tetkikata nazaran müştekilerin telgrafhane ittisalinde münaziun-fih olan bir arsa meselesinden dolayı husumetleri olduğu gibi müddeiyat-ı vakıalarını dahi isbat edemedikleri tahakkuk ve tebeyyün etmekle açıkta kaldığı celb-i nazar-ı intibahı için cezası kafi görüldüğü Nezaret Meclisi İdaresi'nce Hukuk Müşavirliği'nin mütalaasına atfen Tetkik-i Ahvâl ve İntihab Komisyonu'nun kararı üzerine bin üç yüz yirmi bir senesi Muharreminin on birinde 27 Mart sene 1319 beş yüz kuruş maaşla Vilayet-i müşarünileyhada Mısır Posta ve Telgraf Merkezi Müdüriyeti'ne tayin edildiği; Zimmet / Mumaileyhin Dersaadet'e sevk ve irsal eylediği bir taahhütlü mektup derunundan pul olarak vaz‘ edilen mebaliğ nısfının zuhur etmemesine mebni işin tahkikatına girişileceği his eylemesi üzerine meblağ-ı mezburu mürseline ita eylemiş ise de şu ahvâli devam-ı memuriyetine mani bulunmuş ve bidayet-i memuriyetinden beri bulunduğu memuriyetlerde birer suretle şikayeti görülmüş olduğundan ıslah-ı hâl eylemek üzere bin üç yüz yirmi iki senesi Zilkadesinin yirmi beşinde 18 Kânunusani sene 1320 idareten açığa çıkarılıp ailesinin kesreti cihetiyle zaruret-i ahvâline binaen bin üç yüz yirmi üç senesi Cemaziyelevvelinin yirmi dokuzunda 19 Temmuz sene 1321 beş yüz elli kuruş maaşla Beyrut Vilayeti'nde Sahyun Telgraf ve Posta Merkezi Müdürlüğü'ne bi't-tayin resm-i tahlifi icra kılındığı 24 Şubat sene 1322 tarihli vukuat pusulasında beyan edilmiştir.; Görev İhmali; Görevi Kötüye Kullanma; Zimmet; Şiddet

Years (AH) with a criminal-record mark in the annual records

1312; 1314; 1315; 1316; 1321; 1323; 1324