Ahmet Lütfi Efendi

Legal records

Legal record note as worded

Anlaşmazlık / Posta Katibi Hacı Nuri Efendi ile beyinlerinde hasıl olan hizipten dolayı yekdiğeri aleyhine isnadat-ı mükerrerede bulunmaları mahallince umumun kendilerinden emniyeti selb ve su-i nazarını celp ile posta muamelatına sekte ve hasılata nakisa geldiği cihetle devam-ı memuriyetlerini tecviz edilmeyerek nezaret-i müşarünileyha meclis idaresinin 24 Temmuz sene 1315 tarihli kararıyla azil edilmiş ise de bi'l-ahare bi-gayr-i hakkın memuriyetinden mahrum edildiği tahakkuk eylemesine mebni meclis-i mezkurun 9 Teşrinievvel sene 1315 tarihli kararıyla ve maaş-ı muhassası ile memuriyetinde ipka edildiği Telgraf ve Posta Sicil Şubesi'nin 12 Safer sene 1315 ve 11 Muharrem sene 1318 tarihli vukuat pusulasında gösterilmiştir.; Hırsızlık / Mumaileyhin Edirne Vilayeti dahilinde Ortaköy Kazası'nın nizamiye binbaşılığına irsal olunmak üzere Gümülcine Yüzbaşılığı Vekaleti'nden Gümülcine Postahanesi'ne teslim olunan beş bin kuruşluk altın emanet çıkınının bir tarafı kesilerek derunundan on üç adet Osmanlı lirasının sirkat edilmesinden dolayı 14 Haziran sene 1319 tarihinde işten el çektirilerek üç yüz yirmi bir senesi Şevvalinin yirmi üçünde 30 Kânunuevvel sene 1319 azil ile taht-ı muhakemeye alınmış ve vilayet-i müşarünileyha meclis idaresince sadır olan hüküm bazı esbab-ı kanuniyeye mebni mahkeme-i temyizce naks olarak ahiren meclis-i mezkurca icra kılınan muhakeme-i istinafiye neticesinde işbu sirkat fi‘linden dolayı mukaddema taht-ı muhakemeye alınıp Dedeağaç Sancağı Meclis İdaresince bidayeten beraetlerine karar verilen seyyar memurlarından Recep ve Halil Efendilerin icra ve tahkikat zımnında tekrar mahkemeye celplerine mesağ-ı kanuni görülememesine binaen mumaileyh Lütfi Efendi'nin işbu sirkat fi‘linden mesuliyeti anlaşılamayıp fakat emanet-i mezkureyi Telgraf ve Posta Nezareti'nin 27 Kânunuevvel sene 1317 tarihli tahrirat-ı umumiyesinde beyan olunduğu vecihle nezaret-i müşarünileyhaca müttahiz usule tevfikan lazım gelenler muvacehesinde memuriyet-i mahsusasına teslim ettiği anlaşıldığından gerçi muvacehe usulünün ahiren neşrolunan Posta Paketi Nizamnamesi ve nezaret-i müşarünileyhanın evrak-ı deavi miyanında bulunan diğer bir tahriratı ile lağv edildiğini iddia etmekte ise de nizamname-i mezkurede müddeiyat-ı tahriratta buna dair bir fıkra olmadığından başka salifü’z-zikr tahrirat-ı umumiye tarihi mumaileyhin isnat eylediği tahrirat tarihinden muahhar olup Edirne Postahanesince dahi usul-i mezkurenin el-yevm cari olduğu ve kendi tarafından dahi ahyanen icra edildiğini itiraf eylediği cihetle muvacehe usulüne adem-i riayeti tebeyyün eylediğinden Kanun-ı Ceza'nın yüz ikinci maddesinin fıkra-i evveline tevfikan cezaen bir aylık maaşı miktarının kendisinden ahz ve istifasına dair müttefikan verilen karar mumaileyh tarafından temyiz olunmakla Şûrâ-yı Devlet Temyiz Mahkemesince dahi tetkikat-ı lazıme bi'l-icra postahanelerden seyyar memurları vasıtasıyla merkezlere sevk ve irsal olunan emanatın teşkilat-ı ahire mucebince bir heyet muvacehesinde emr-i teslim ve tesellümün icrası usulünün lağv edildiği müstedԔ-i temyiz tarafından iddia edilmekte ise de ilam-ı istinafi mütalaasından usul-i mezkurenin el-yevm cari olduğu ve mumaileyhin işbu usule riayet etmediği müsteban olduğundan temyiz istidasında münderiç olan itirazat gayri varit bulunmasına binaen istida-yı mezkurun reddine 7 Muharrem sene 1323 ve 1 Mart sene 1321 tarihinde müttehiden karar verilip mani-i istihdam başka bir hâli görülmediğinden üç yüz yirmi dört senesi Cemaziyelahirinin on dördünde 23 Temmuz sene 1322 yedi yüz yirmi kuruş maaşla Köprülü Telgraf ve Posta Merkezi Müdürlüğü'ne bi't-tayin tahlisi icra kılındığı mezkur sicil şubesinin 28 Şaban sene 1322 tarihli vukuat pusulasıyla 28 Ağustos sene 1323 tarihli müzekkire-i müzeyyilesinde ve Şûrâ-yı Devlet Temyiz Mahkemesi'nin ol babdaki ilamı suret-i musaddıkasında gösterilmiştir.; Memuriyete Uymayan Hal ve Hareketler; Zimmet

Years (AH) with a criminal-record mark in the annual records

1316; 1317; 1318; 1319; 1320; 1324