Bahattin Bey

Legal records

Legal record note as worded

Zimmet / Mumaileyhe erbab-ı rüyet ve iktidardan olmasına mebni bin üç yüz on bir senesi şehr-i Ramazan-ı şerifinin on sekizinde üçüncü rütbeden Nişan-ı Alî-i Osmanî ihsan buyrulmuştur. Mîr-i mumaileyhin rüyet olunan hesabatta yetmiş beş bin küsür kuruş zimmet zuhuriyetine mebni bin üç yüz on üç senesi şehr-i Ramazan-ı şerifinin yirmi sekizinde 15 Şubat sene 311 işten el çektirilmiş ise de kırk bir senelik emekdarandan bulunduğu ve hiç bir suretle lekelenmediği halde bâlâda muharrer açığının yetişmiş bir mahdumu vefat ederek musab ve müteellim olduğu zamanda nasıl vuku bulduğu bilinemediğine ve kazaen uğramadığı şu halden dolayı merhamet-i seniyye hazret-i padişahîye dehalet eylediğine dair ita eylediği arzuhal üzerine Telgraf ve Posta Meclis İdaresi’nin tanzim olunan mazbatada mîr-i mumaileyhin memalik-i şahanede telgrafın ibtida-yı ihdasında Türkçe telgraf muhaberatı müesselerinden ve mühim memuriyetlerle muavinliğinde bulunup sahihan sevabık ahvâl-i saniye vukuattan azade iş bu zayiata değin hiç bir yerde bir para zimmeti zuhur etmediği ve bu kere vuku bulan açıkta bir kaste nebni olmayıp kazaen vuku bulduğu ruus-u hâl ve muameleden anlaşıldığına mebni işten el çektirildiği tarihinden beri ve müterakim on beş bin yüz doksan altı kuruş yirmi para istihkak-ı tedarik edebildiği yirmi bin kuruş kadar bir ianenin teslim ve mahsubile mütebaki otuz bin sekiz yüz otuz sekiz kuruş beş para açığının iyilik yüzünden kefilinin defa-i müteharrir olmaması için icabı halinde kefiline müracat olunmak üzere memuriyetine iadesiyle maaşının nısfı olan şehrî bin yedi yüz elli kuruşa kat‘ suretle iki seneye karib bir zamanda maktuan istifası hususu beyan olunması üzerine Şurâ-yı Devlet Dahiliye Dairesi’nden tanzim olunup 2 Rebiülevvel tarihli buyruldu-ı alî ile Dahiliye Nezaret-i celilesine tevdi buyrulan mazbatada dahi işarat-ı vaka şayan-ı kabul ve tezvic görülmüş ve nezaretce maaşının bin yedi yüz elli kuruş kadar bir meblağın kat`ine lüzum gösterilmiş ise de diğer mazbata ile bildirildiği vechle mumaileyhin Mülga-i Telgraf Nezareti Tekaüt Sandığı’na istikraz edip (...) tesviye edemeyerek Mülkiye Tekaüt Sandığı’na devr ile maaşının tesviyesi mukarrer bir borcu daha olduğuna mebni iki defa bin kuruş ita olunmak üzere maaş-ı mahsusanın her ay iki bin kuruşun kat‘-ı lüzum gösterildiği Dahiliye Nezaret-i celilesinin Telgraf ve Posta Nezareti’ne yazılan üç yüz yetmiş beş numaralı ve 8 Ağustos sene 312 tarihli tezkerede gösterilmiştir. Mumaileyh bin üç yüz on dört senesi Rebiülevvelinin yirmi birinde 18 Ağustos sene 312 memuriyeti iade olunup işine mübaşeret eylediği Telgraf ve Posta Sicil Şubesi’nin 5 Zilkade sene 314 tarihli vukuat pusulasında gösterilmiştir ve maaşı sene-i merkume Şevvalinin onunda 1 Mart sene 313 öşrü bi’t-tecil üç bin yüz elli kuruşa tenzil etmiştir. Müşarunileyhe müşahid olan hizmet-i memduhasına mebni bin üç yüz on beş senesi Muharreminin on dördünde terfian rütbe-i evvel sınıf-ı evveli tevcih buyrulmuştur.; Zimmet

Years (AH) with a criminal-record mark in the annual records

1314; 1315; 1316; 1317; 1318; 1319; 1320; 1321